Joshụa 19 - Ika

Isi Nke Mmitenẹi Alị Wẹ Keye Simiọnụ

¹ Ebọn Simiọnụ lẹ ikpụlọ ndị rịn'a mẹ ebọn ẹbụọ wẹ keye alị ogẹnni. Alị wẹ keye Simiọnụ rị imẹ nke ebọn Juda.

² Obodo wẹ keye wẹ wụ ndịnị: Biẹshẹba (mọbụ Shẹba) Molada;

³ Haza-Shualụ, Bala, Ẹzẹm;

⁴ Ẹl'toladị, Bẹtulu, Homa;

⁵ Zik'lagị, Bẹt-Makabọtụ, Haza-Susa;

⁶ Bẹt-Lẹbaọtụ lẹ Sharuhẹni — obodo mmẹtọ lẹ ụmụ-alị wẹ.

⁷ Aini, Rimọnụ, Ẹta lẹ Ashanị rịzị imẹ wẹ — obodo ẹnọ lẹ ụmụ-alị wẹ

⁸ lẹ ụmụ-alị ile rịsọnmẹ ẹhụ obodo ndịnị, d'e ru Baalatị-Biẹ (Rama rị Nẹgẹvụ). Ọhụn wụ alị ebọn Simiọnụ lẹ ikpụlọ ndị rịn'a.

⁹ Imẹ nke ebọn Juda kẹ wẹ gha weri hụnnị wẹ ye ebọn Simiọnụ, makẹni hụn wẹ te keye ebọn Juda karị hụn nkẹ w'e ye wẹ. Ya wẹ nọ gha nke ebọn Juda ye ndị ebọn Simiọnụ.

Alị Wẹ Keye Zẹbulọnụ

¹⁰ Ebọn Zẹbulọnụ lẹ ikpụlọ ndị rịn'a mẹ ebọn ẹtọ wẹ keye alị ogẹnni. Alị wẹ rukwọrị Saridi.

¹¹ Ọ nọ dọn ihun ẹbamịn ọdịdan-ẹnyanwụn, pụha Marala, o ru Dabẹshẹti, ọ nọ jẹnsọnmẹ d'e ru Ọdanmgbugbu Iyi udu-mirin rị ẹhụ Joknịam.

¹² Saridi k'ọ gha gbugi, dọn ihun ẹbamịn ọwụwa-ẹnyanwụn, pụha ẹgbẹrẹ Kislọtụ-Tabọ, jẹnsọnmẹ d'e ru Dabẹratị, gha ebẹhụ pụha Jafia rị elu-ugu.

¹³ Ọ nọ dọnsọnmẹ ihun ẹbamịn ọwụwa-ẹnyanwụn, gha ebahụn pụha Gatị-Hẹfa lẹ Ẹt-Kazini; ọ pụ Rimọnụ, ọ nọ gbegi shi Nịa.

¹⁴ Ebahụn k'ọ nọ gbegizi shi ẹka-ekpẹn, pụha Hanatọnụ, d'e jẹndemẹ Ọdanmgbugbu Ifta-Ẹlụ.

¹⁵ Obodo ndịnị rị imẹ nke wẹ: Katatị, Nahalalụ, Shimrọnụ, Ịdala lẹ Bẹt'lẹhẹm — uwẹ ile rị obodo mmẹbụọ lẹ ụmụ alị wẹ.

¹⁶ Obodo ndịnị lẹ ụmụ-alị wẹ rịsọnmẹ ukuu ebọn Zẹbulọnụ lẹ ikpụlọ ndị rịn'a.

Alị Wẹ Keye Ebọn Isaka

¹⁷ Ebọn Isaka lẹ ikpụlọ ndị rịn'a mẹ ebọn ẹnọ wẹ keye alị ogẹnni.

¹⁸ Ndịnị wụ alị wẹ: Jezriẹlụ, Kẹsulọtụ lẹ Shunẹm;

¹⁹ Hafaraim, Shiọnụ lẹ Anaharatị;

²⁰ Rabiti, Kishiọnụ lẹ Ẹbẹzi;

²¹ Rẹmẹti, Ẹn-Ganim, Ẹn-Hada lẹ Bẹt-Pazẹzị.

²² Alị ebọn Isaka ruzikwọ Tabọ, Shahazuma lẹ Bẹt-Shẹmẹshi, jẹndemẹ Iyi-Jọdanị. Wẹ rị obodo mmisin lẹ ụmụ-alị wẹ.

²³ Obodo ndịnị lẹ ụmụ-alị wẹ rịsọnmẹ ukuu ebọn Isaka lẹ ikpụlọ ndị rịn'a.

Alị Wẹ Keye Ebọn Asha

²⁴ Ebọn Asha lẹ ikpụlọ ndị rịn'a mẹ ebọn isẹn wẹ keye alị ogẹnni.

²⁵ Obodo ndịnị rịsọnmẹ alị wẹ: Hẹl'katị, Hali, Bẹtẹni, Ak'shafụ;

²⁶ Alamẹlẹki, Amadị lẹ Mishalụ. Okẹn wẹ lẹ ndị rị wẹ ẹbamịn ọdịdan-ẹnyanwụn ru Kamẹlụ lẹ Shihọ-Lib'natị;

²⁷ ọ nọ gbegi shi ẹbamịn ọwụwa-ẹnyanwụn, dọn ihun Bẹt-Dagọnụ, gha ebẹhụ pụha Zẹbulọnụ lẹ Ọdanmgbugbu Ifta-Ẹlụ, gha ebẹhụ shi ẹbamịn-ugu, pụha Bẹt-Ẹmẹki lẹ Nẹyẹlụ, nu Kabulu ye ẹka-ekpẹn.

²⁸ O jẹnru Ab'dọnụ, Rehobu, Hamọnụ lẹ Kana — d'e rukwọrị Sidọnụ-Uku;

²⁹ ebẹhụ kẹ azụụn ahụn nọ gbegi, shi Rama, ruzi obodo Taya hụn wẹ tụnhunmẹ mgbọn, gbegi, shi Hosa, pụha ẹgbẹrẹ Akizibu, d'e jẹndemẹ Ohimin Uku Mẹditerenia,

³⁰ Ụma, Afẹki lẹ Rehobu rịzị imẹ ẹ — uwẹ ile wụ obodo ẹbụọ kwasị ọgụn lẹ ụmụ alị wẹ.

³¹ Obodo ndịnị lẹ ụmụ-alị wẹ wụ ukuu ebọn Asha lẹ ikpụlọ ndị rịn'a.

Alị Ebọn Naf'tali

³² Ebọn Naf'tali lẹ ikpụlọ ndị rịn'a mẹ ebọn isin wẹ keye alị ogẹnni.

³³ Alị wẹ wụ gha Hẹlẹfụ lẹ okẹn-osisi hụ rị imẹ Zaananim, ghafe Adami-Nẹkẹkụ lẹ Jab'nilu, d'e ru Lakum, Iyi Jọdanị k'o jẹndemẹ.

³⁴ Ọ nọ shi ẹbamịn ọdịdan-ẹnyanwụn, gha Azụnọtụ-Tabọ pụha Hukoku, d'e ruzi Zẹbulọnụ ẹbamịn ẹka-ekpẹn ẹnyanwụn; Asha rị a ẹbamịn ọdịdan-ẹnyanwụn, Iyi-Jọdanị rị a ẹbamịn ọwụwa-ẹnyanwụn.

³⁵ Obodo ndị wẹ tụnhunmẹ mgbọn imẹ alị wẹ keye Naf'tali wụ ndịnị: Zidim, Zẹ, Hamatị, Rakatị lẹ Kinẹrẹti;

³⁶ Adama, Rama lẹ Hazọ;

³⁷ Kẹdẹshi, Ẹdrẹi lẹ Ẹn-Hazọ;

³⁸ Irọnụ, Mig'dalụ-Ẹlụ, Horẹm, Bẹt-Anatị lẹ Bẹt-Shẹmẹshi — wẹ ile rị obodo mmitenẹi lẹ ụmụ alị wẹ.

³⁹ Obodo ndịnị lẹ ụmụ-alị wẹ wụ ukuu ebọn Naf'tali lẹ ikpụlọ ndị rịn'a.

Alị Wẹ Keye Ebọn Danị

⁴⁰ Ebọn Danị lẹ ikpụlọ ndị rịn'a mẹ ebọn ẹsa wẹ keye alị ogẹnni.

⁴¹ Alị wẹ keye wẹ wụ ndịnị: Zora, Ẹsh'tawolu lẹ Iri-Shẹmẹshi;

⁴² Shaalabịnị, Aịjalọnụ lẹ Itla;

⁴³ Ẹlọnụ, Timna lẹ Ẹkrọnụ,

⁴⁴ Ẹl'tẹkẹ, Gibẹtọnụ lẹ Baalatị;

⁴⁵ Jehudu, Bẹnẹ-Bẹrakị lẹ Gatị-Rimọnụ;

⁴⁶ Mẹ-Jakọnụ lẹ Rakọnụ, cheni ẹgbẹrẹ bu ihun zinmẹ Jọpa.

⁴⁷ (Omẹgụ ndị Danị nọ latọ azụụn nke wẹ nịlẹni wẹ mẹri weri, shikwọrị Lẹshẹm wụ Laishi d'a maye ndị rịn'a ọgụn, karị wẹ ẹka, gi ọpịa-agha gbupụ wẹ, weri alị hụ. Wẹ nọ biri Lẹshẹm, kpọ a Danị, hụn wụ ẹfan nẹdi wẹ kanị.)

⁴⁸ Obodo ndịnị lẹ ụmụ-alị wẹ wụ ukuu ebọn Danị lẹ ikpụlọ ndị rịn'a.

Alị Wẹ Ye Joshụa

⁴⁹ Ogẹn wẹ gi keyegụ ebọn ile alị wẹ, ndị Izrẹlụ nọ gha imẹ ẹ ye Joshụa nwa Nọnụ alị

⁵⁰ kẹ Osolobuẹ dọn gwa wẹ. Timnatị-Sẹra rị alị-ugu Ifrem hụn Joshụa sị wẹ ye ẹ kẹ wẹ ye ẹ; ọ nọ dọnzi ẹ, biri ebẹhụ.

⁵¹ Alị ndịnị ile wụsọnmẹ ukuu hụn onyẹ nchụn-ẹjan wụ Ẹliẹza lẹ Joshụa nwa Nọnụ lẹ ndị-isi ebọn ile rị Izrẹlụ gi utẹn Osolobuẹ keni ndị Izrẹlụ; imẹ Shilo kẹ wẹ nọ keni wẹ ya ihun Osolobuẹ, ọnụ-mgbọn Ọdụ-ozuzu, hụn wụ Ọdụ-Osolobuẹ. Ẹrịra kẹ wẹ gi kezuni wẹ alị hụ.