Joshụa 12 - Ika

Isi Nke Mmẹbụọ Ndị-nze Wẹ Mẹri Ndị Hụn Mozizi Mẹri

¹ Ndịnị wụ ndị-nze alị hụ hụn ndị Izrẹlụ mẹri, weri alị wẹ nfetu Iyi Jọdanị, ẹbamịn ọwụwa-ẹnyanwụn rịn'a. Alị wẹ gha ọdanmgbugbu Iyi udu-mirin wụ Anọnụ d'e ru ugu Hẹmọnụ: Ọdanmgbugbu Araba ile rị ẹbamịn ọwụwa-ẹnyanwụn Iyi-Jọdanị rịchanrịn imẹ ẹ:

² Eze Amọ wụ Sihọnụ hụn nọ Hẹsh'bọnụ kị wụ ohu; alị a gha Arụa hụn rị mkpẹnrẹn ọdanmgbugbu Anọnụ d'e ru Iyi Jabọkụ. Jabọkụ wụ okẹn wẹ lẹ ndị Amọnụ. Etintinnaị ọdanmgbugbu Anọnụ hụ kẹ alị wẹ ghachanrịn, ẹlẹ mkpẹnrẹn ẹ sụọ. Wẹ kebe ẹgbẹrẹ Gilẹdị ụzọ ẹbụọ, azụụn ohu rị alịnị Sihọnụ te kị.

³ Ịya te kịzị Araba ile rị ẹbamịn ọwụwa-ẹnyanwụn Iyi-Jọdanị: ghakwọrị Ohimin Kinẹrẹti d'e ru Ohimin Araba (Ohimin Nnu), d'e ruzi Bẹt-Jẹshimọtụ; alị a kụyezi Ẹbamịn ẹka-ekpẹn ẹnyanwụn d'e ru ukun ugu Pisga.

⁴ Eze ọzọ wẹ mẹri wụ Ọgụ eze Bashanị, hụn rị ndị ikpanzụụn họdụ imẹ ndị Rẹfa, ndị adụn-aran; Ash'tarọtụ lẹ Ẹdrẹi k'ọ nọsọnmẹ kị.

⁵ Ịya kị kẹ Ugu Hẹmọnụ kẹ alị Salẹka kẹ ẹgbẹrẹ Bashanị ile d'e ru okẹn ndị Gẹshọ lẹ ndị Maaka kẹ ahanmahan Gilẹdị hụn gha okẹn wẹ lẹ eze Hẹsh'bọnụ wụ Sihọnụ.

⁶ Mozizi wụ odibo Osolobuẹ lẹ ndị Izrẹlụ mẹri wẹ. Ya Mozizi nọ we alị wẹ keni ebọn Rubẹni lẹ ebọn Gadị lẹ mgbube ebọn Manasẹ.

Ndị-nze Joshụa Mẹri

⁷ Ndịnị wụ ndị-nze Joshụa lẹ ndị Izrẹlụ mẹri ẹbamịn ọdịdan-ẹnyanwụn Jọdanị — gha Baalụ-Gadị rị Ọdanmgbugbu Lẹbanọnụ d'e ru Ugu Halakị hụn jẹnsọnmẹ elu d'e ru alị Sẹẹ. (Joshụa we alị wẹ keni ebọn ndị rịsọnmẹ Izrẹlụ n'ọ wụrụ ukuu wẹ —

⁸ kẹ alị wẹ rị elu ugu kẹ hụn rịsọnmẹ ukun ugu ndị ahụn rị ibẹka ọdịdan-ẹnyanwụn kẹ Araba rị mkpẹnrẹn Iyi-Jọdanị kẹ ndị rị nkpọtu ugu ichẹn-ichẹn kẹ imẹ atụ kẹ imẹ Nẹgẹvụ. Alị ndịnị wụ alị ndị Hẹti, ndị Amọ, ndị Kenaanị, ndị Pẹrẹzi, ndị Hivu lẹ ndị Jebusu.) Ndịnị wụ ndị-nze hụ:

⁹ eze Jẹriko, eze alị Aị hụn nọkunmẹ Bẹtẹlụ;

¹⁰ eze Jerusalẹm, eze Hibrọnụ;

¹¹ eze Jamutu, eze Lakishi;

¹² eze Ẹglọnụ, eze alị Gẹza;

¹³ eze Debẹ, eze Gẹdẹrụ;

¹⁴ eze Homa, eze alị Aradị;

¹⁵ eze Libna, eze Adulam;

¹⁶ eze Makẹda, eze Bẹtẹlụ;

¹⁷ eze Tapụa, eze Hẹfa;

¹⁸ eze Afẹki, eze Lasharọnụ;

¹⁹ eze Madọnụ, eze Hazọ;

²⁰ eze Shimrọn-Mẹrọnụ, eze Ak'shafụ;

²¹ eze Taanakị, eze Mẹgido;

²² eze Kẹdẹshi, eze Joknịam hụn rị Ugu Kamẹlụ;

²³ eze Dọ rị alị Nafatị-Dọ, eze Goi imẹ alị Gil'galụ,

²⁴ eze Tẹza. Wẹ ile rị ndị-nze mmanaị-kwasị-ọgụn.