Jerimaya 45 - Ika

Isi Nke Isẹn Kwasị Ọgụnnaị Ozi Chuku Zi Jerimaya Zi Baruku Hụn A Rụnyen'ẹ Ọrụn

¹ Ọnwan wụ ozi onyẹ-amụma wụ Jerimaya zi Baruku nwa Nẹria. Imẹ ahụa nke ẹnọ eze wụ Jehoyakim nwa Josaya kịma alị Juda kẹ Jerimaya zi Baruku ozini — ogẹn ahụn Baruku gi de ihiẹn ndị ahụn Jerimaya sị a deye imẹ ẹkụkwọ:

² “Lee ihiẹn Osolobuẹ wụ Chuku Izrẹlụ sị m gwa ị, Baruku:

³ ‘Hụnnị ị sị enwẹn i: “Ijẹn e gbuẹ m! Osolobuẹ e bugụọ ụya cheni afụnfụn m rị a ta. Ndụn a gụ m ebe m rị a sụ udẹn; ẹhụ efuni m kaka!”

⁴ “ ‘Osolobuẹ sị: Gwa Baruku nị mmẹ wụ Osolobuẹ sị: M jẹnkọ nwan d'e tikpọ ihiẹn m tụn imẹ alịnị ile, huepụ ihiẹn m kụn.

⁵ Yụ nwẹn, ị rị a chọ okẹn ihiẹn. Chọbehi wẹ. Makẹni mmẹ wụ Osolobuẹ rị nwan a gwa ị nị m jẹnkọ d'e tikpọ ịhịan ile, kanị m jẹnkọ d'a n'ị wanahịn ebe ọwụlẹ i jẹn.’ ”