Jẹnẹsisi 36 - Ika

Isi Nke Mmisin Kwasị Ọgụn Isọ (Ẹdọm) A Lashi Ugu Sẹẹ

¹ Ọnwan wụ akịkọ Isọ (hụn wụzị Ẹdọm).

² Ikpoho ndị Kenaanị kẹ Isọ lụ; ẹfan wẹ wụ Ada nwa Ẹlọnụ onyẹ Hẹti lẹ Oholibama nwa Ana hụn nẹdi ẹ kanị wụ Zibiọnụ onyẹ Hivu

³ lẹzi Basematị nwa Ishmẹlụ; Basematị wụ nwẹnẹ Nẹbayọtụ.

⁴ Ada mụnị Isọ Ẹlifazị; Basematị a mụnị Isọ Rẹwuẹlụ.

⁵ Oholibama nọ mụn'a Jeushi lẹ Jalam lẹzi Kora: uwẹ ile wụ ụmụ wẹ mụnị Isọ imẹ alị Kenaanị.

⁶ Ya Isọ nọ weri inyẹnmẹ ẹ lẹ ụmụ a, kẹ ikẹnnyẹ kẹ ikpoho, lẹ ndị ile rị iwe ẹ, lẹ ihiẹn-uriri ẹ ile lẹ ihiẹn obi-ụlọ ile o nwọn, lẹzi ihiẹn ile o nwọnhẹn imẹ alị Kenaanị, gha ebe Jekọpụ nwẹnẹ ẹ rị kwate.

⁷ Ihiẹn wẹ nwọn e hikẹ, ẹlẹzi hụn wẹ ẹbụọ e gi nọdị ụzọ ohu; alị ahụn wẹ rị eruzini wẹ ẹbụbụọ makẹ ihiẹn-uriri wẹ.

⁸ Isọ (hụn wụzị Ẹdọm) nọ jẹn d'e biri alị Sẹẹ hụn rị elu òke.

Ụmụ Isọ

⁹ Ọnwan wụ akịkọ Isọ nẹdi ndị Ẹdọm, ndị bi alị Sẹẹ hụn rị elu òke:

¹⁰ Ẹfan ụmụ-ikẹnnyẹ Isọ wụ ndịnị — Ẹlifazị hụn Ada nwunyẹ Isọ mụ lẹ Rẹwuẹlụ hụn Basematị nwunyẹ Isọ mụ.

¹¹ Ụmụ-ikẹnnyẹ Ẹlifazị wụ Tẹmanị, Oma, Zẹfo lẹ Gatam lẹ Kẹnazi.

¹² Ẹlifazị nwa Isọ nwọnzi mgba hụn a za Timna hụn mụyen'ẹ Amalẹki. Uwẹ wụ ụmụ-ụmụ Ada nwunyẹ Isọ.

¹³ Ndịnị wụ ụmụ Rẹwuẹlụ: Nahatị, Zẹra, Shama lẹ Miza; wẹ wụ ụmụ-ụmụ Basematị nwunyẹ Isọ.

¹⁴ Nwunyẹ Isọ wụ Oholibama nwa Ana hụn nẹdi ẹ kanị wụ Zibiọnụ mụnị Isọ Jeushi lẹ Jalam lẹ Kora.

¹⁵ Lee ndị wụ ndị-isi imẹ ebọn Isọ: Azụụn nke Ẹlifazị nwa ibuzọ Isọ, ndị-isi wẹ wụ Tẹmanị, Oma, Zẹfo, Kẹnazi,

¹⁶ Kora, Gatam lẹ Amalẹki; uwẹ wụ ndị-isi azụụn nke Ẹlifazị imẹ alị Ẹdọm; wẹ wụ ụmụ-oyẹ Ada.

¹⁷ Azụụn nke Rẹwuẹlụ nwa Isọ, ndị-isi wẹ wụ: Nahatị, Zẹra, Shama lẹ Miza. Uwẹ wụ ndị-isi azụụn nke Rẹwuẹlụ imẹ alị Ẹdọm; wẹ wụ ụmụ-oyẹ Basematị nwunyẹ Isọ.

¹⁸ Nke ụmụ Oholibama nwunyẹ Isọ, ndị-isi wẹ wụ: Jeushi, Jalam lẹ Kora. Uwẹ wụ ndị-isi azụụn nke nwunyẹ Isọ wụ Oholibama nwa Ana.

¹⁹ Uwẹ ile wụ ụmụ Isọ (hụn wụzị Ẹdọm) — uwẹ wụ ndị-isi wẹ.

Ndị Bi Sẹẹ Nị Isọ D'a Bịa

²⁰ Ndịnị wụ ụmụ Sẹẹ onyẹ alị Hori, ndị bi alị ahụn Isọ kwaha: Lotanị, Shobalụ, Zibiọnụ, Ana

²¹ lẹ Dishọnụ lẹ Ẹza lẹ Dishanị: ụmụ Sẹẹ ndịnị bi alị ahụn w'a kpọzị alị Ẹdọm, wẹ wụ ndị-isi imẹ ndị alị Hori ahụn.

²² Ụmụ Lotanị wụ Hori lẹ Hẹmanị; Lotanị nwọnzi nwẹnẹ-okpoho ẹfan a wụ Timna.

²³ Ụmụ Shobalụ wụ: Al'vanị, Manahatị, Ẹbalụ, Shẹfo lẹ Ọnam.

²⁴ Ụmụ Zibiọnụ wụ Aya lẹ Ana: Ana wụ hụn chọpụha isi-mirin ndị ahụn a gbapụha mirin-ọkụn imẹ atụ ebe ọ rị e du jaki nẹdi ẹ.

²⁵ Ụmụ Ana wụ Dishọnụ lẹ Oholibama nwa-okpoho Ana.

²⁶ Ụmụ Dishọnụ wụ Hẹmdanị, Ẹsh'banị, Itranị lẹ Kẹranị.

²⁷ Ụmụ Ẹza wụ Bil'hanị, Zaavanị lẹ Akanị.

²⁸ Ụmụ Dishanị wụ Uzu lẹ Aranị.

²⁹ Ya wụ, ndịnị wẹ wụ ndị-isi ndị Hori: Lotanị, Shobalụ, Zibiọnụ, Ana,

³⁰ Dishọnụ, Ẹza, Dishanị; uwẹ wụ ndị-isi ndị Hori — onyẹ-onyẹ lẹ agalaba a imẹ alị Sẹẹ.

Ndị Kị Alị Ẹdọm Mbụ-mbụ

³¹ Ndị-nze hụn kị alị Ẹdọm nị wẹ d'a hụnma ndị-nze imẹ alị Izrẹlụ wụ ndịnị:

³² Bẹla nwa Bioru kị alị Ẹdọm; isi-alị a wụ Din'haba.

³³ Bẹla a nwụnhụn, Jobabụ nwa Zẹra onyẹ Bozra nọ rikin eze ẹ.

³⁴ Ogẹn Jobabụ gi nwụnhụn, Husham onyẹ alị Tẹmanị nọ kịrị.

³⁵ Ogẹn Husham gi nwụnhụn, Hadadị nwa Bẹdadị hụn mẹri ndị Midianị imẹ alị Mụabụ nọ kịrị. Isi-alị Hadadị wụ Aviti.

³⁶ Ogẹn Hadadị gi nwụnhụn, Samla onyẹ alị Masrẹka nọ kịrị.

³⁷ Ogẹn Samla gi nwụnhụn: Shaulu onyẹ Rẹhobọtụ mkpẹnrẹn iyi nọ kịrị.

³⁸ Ogẹn Shaulu gi nwụnhụn, Baalụ-Hananị nwa Akịbọ nọ kịrị.

³⁹ Ogẹn Baalụ-Hananị nwa Akịbọ gi nwụnhụn, Hadadị nọ kịrị; isi-alị a wụ Pawụ: ẹfan nwunyẹ ẹ wụ Mẹhẹtabẹlụ nwa Matrẹdi nwa Mẹ-Zahabụ.

⁴⁰ Lee ẹfan ndị ebọn Isọ hụn kịzị imẹ alị Ẹdọm — ẹfan ndịnị kẹ wẹ gi marịn onyẹ-onyẹ lẹ ebọn ẹ lẹ ẹgbẹrẹ ẹ: wẹ wụ Timna, Al'va, Jẹteti,

⁴¹ Oholibama, Ẹla, Pinọnụ,

⁴² Kẹnazi, Tẹmanị, Mibza,

⁴³ Mag'diẹlụ lẹ Iram; uwẹ wụ ndị-isi alị Ẹdọm. Ẹfan ndịnị kẹ wẹ gi marịn onyẹ-onyẹ lẹ ebe wẹ bi imẹ alị ahụn wẹ kwashi. Wẹ ile wụ ụmụ Isọ nẹdi ndị Ẹdọm.