Jẹnẹsisi 10 - Ika

Isi Nke Iri Alị Ndị Gha Ebọn Nụa Pụha

¹ Ọnwan wụ ndị rị ichẹn-ichẹn ụmụ Nụa wụ Shẹm lẹ Ham lẹ Jafẹtị mụ, wẹ mụma ndịnị ogẹn okẹn-mirin hụ gi bigụ.

Ebọn Jafẹtị

² Ụmụ Jafẹtị wụ Goma lẹ Magọgụ lẹ Mẹdịa lẹ Javanị lẹ Tubalụ lẹ Mẹshẹki lẹzi Tirasị.

³ Ụmụ Goma wụ Ash'kẹnazị lẹ Rifatị lẹ Togama.

⁴ Ụmụ Javanị wụ Ẹlisha lẹ Tashishi lẹ Kitim lẹ Rodu hụn wụzị Dodu.

⁵ Ụmụ Javanị ndịnị mụ ndị bisọnmẹ mkpẹnrẹn Ohimin Mẹditerenia — hụn ọwụlẹ lẹ alị o bi lẹ asụsụ wẹ lẹ ebọn wẹ lẹ ndị alị wẹ.

Ebọn Ham

⁶ Ebọn Ham lẹ ụmụ wẹ wụ ndịnị: Kushi lẹ Mizraim wụ Ijiptu lẹ Putu lẹ Kenaanị.

⁷ Ụmụ Kushi wụ Sẹba lẹ Havila lẹ Sabta lẹ Raama lẹ Sab'tẹka. Ụmụ Raama wụ Shẹba lẹ Dedanị.

Nimrọdụ

⁸ Omẹgụ, Kushi nọ mụ Nimrọdụ; Nimrọdụ wụ onyẹ ibuzọ kpasọnmẹ ikẹn imẹ ụwa.

⁹ Okẹn-ogbẹni k'ọ wụ ẹnya Osolobuẹ. Ya haịn wẹ gi a sị, “Ọ nọ kẹ Nimrọdụ, hụn wụ okẹn-ogbẹni ẹnya Osolobuẹ.”

¹⁰ Obodo Babẹlụ lẹ Ẹrẹkị lẹ Akadị lẹ Kal'nẹ kẹ alị-eze Nimrọdụ gha bidọn — alị ndịnị ile rịsọnmẹ alị Shina wụ Babilọnụ.

¹¹ Alịnị wụ Shina k'ọ gha jẹnmẹ alị Asiria d'a tụn obodo Ninivẹ lẹ Rẹhobọtụ-Ẹh lẹ Kala

¹² lẹzi Rẹsẹni. Rẹsẹni rị ẹgbata Ninivẹ lẹ Kala hụn wụ okẹn obodo alị hụ.

¹³ Mizraim wụ Ijiptu nọ mụ ndị Ludu lẹ ndị Anam lẹ ndị Lehabụ lẹ ndị Naf'tu lẹ

¹⁴ ndị Patrusu lẹ ndị Kaslu hụn ndị Filistia gha pụha lẹzi ndị Kaftọ.

¹⁵ Ya Kenaanị nọ mụ Sidọnụ. Sidọnụ wụ nwa ibuzọ Kenaanị. Kenaanị mụzịkwọ ndị Hẹti lẹ

¹⁶ ndị Jebusu lẹ ndị Amọ lẹ ndị Gẹgashị lẹ

¹⁷ ndị Hivu lẹ ndị Aki lẹ ndị Sini lẹ

¹⁸ ndị Avadị lẹ ndị Zẹma lẹ ndị Hamatị. Omẹgụ, ndị Kenaanị nọ buwaye ọda.

¹⁹ Alị ndị Kenaanị bi nọ nwan shịa ẹfọ, gha obodo Sidọnụ pụ Gẹra, gha Gẹra pụ Gaza — shịashi ibẹka Sodọm lẹ Gomora lẹ Adima lẹ alị ndị Zẹbo, d'e rukwọrị Lasha.

²⁰ Wẹ ile wụ ụmụ Ham: onyẹ-onyẹ lẹ ebọn ẹ lẹ asụsụ a lẹ alị o bi lẹ ndị alị a.

Ụmụ Shẹm

²¹ Shẹm, hụn sụa Jafẹtị, mụzịkwọ ụmụ. Shẹm wụ nẹdi kanị ụmụ Ẹba ile.

²² Ụmụ Shẹm wụ Ẹlam lẹ Ashuru lẹ Afakishadị lẹ Ludu lẹzi Aram.

²³ Ụmụ Aram wụ Uzu lẹ Hulu lẹ Gẹta lẹ Mashi.

²⁴ Afakishadị wụ nẹdi Shẹla, Shẹla wụ nẹdi Ẹba.

²⁵ Ẹba mụ ikẹnnyẹ ẹbụọ: ẹfan ohu wụ Pẹlẹgị (ya wụ “nkebe”), makẹni, ogẹn ẹ kẹ ụwa gi kebe. Ẹfan nwẹnẹ ẹ wụ Joktanị.

²⁶ Joktanị nọ mụ Al'mọdadị lẹ Shẹlẹfụ lẹ Hazamavẹti lẹ Jẹra lẹ

²⁷ Hadoram lẹ Uzalụ lẹ Dik'la lẹ

²⁸ Obalụ lẹ Abimaẹlụ lẹ Shẹba lẹ

²⁹ Ofiri lẹ Havila lẹzi Jobabụ: uwẹ ile wụ ụmụ Joktanị.

³⁰ Alị wẹ bi gha Mẹsha shịaru Sẹfa rị alị-ugu rị ibẹka ọwụwa-ẹnyanwụn.

³¹ Wẹ ile wụ ụmụ Shẹm. Onyẹ-onyẹ lẹ ebọn ẹ lẹ asụsụ a lẹ alị o bi lẹ ndị alị a.

³² Wẹ ile wụ ebọn ụmụ Nụa — kẹ wẹ dọnsọnmẹ mụ wẹ lẹ alị ndị gha ẹhụ wẹ pụha. Imẹ wẹ kẹ alị ichẹn-ichẹn gha ba ụba bajun ụwa ogẹn okẹn-mirin hụ gi bigụ.