Hosia 3 - Ika

Isi Nke Ẹtọ Kẹ Ihiẹn-ọsụsụọ Osolobuẹ Nọ

¹ Osolobuẹ sị m, “D'a ghọsịzị nwunyẹ i ihiẹn-ọsụsụọ, ọsụọn'a nị ya lẹ onyẹ ọzọ rị a sụọ, lẹni ọ zọ ụkụ e ye ọfịa, nị ẹrịra kẹ Osolobuẹ e nwọnsọnmẹ ihiẹn-ọsụsụọ ndị Izrẹlụ, ọsụọn'a nị w'e fesọnmẹ mmọn lẹni ihiẹn-oriri ahụn wẹ gi a kwa ese a sụọ wẹ asụọ.”

² Ya kẹ m nọ jẹn d'a kụ egho-ọrụn akpọhịn mmisẹn lẹ ẹkpa ọka-bali kachanrịnnị, buzi ọka-bali ọzọ chen'ẹ, weri ẹ.

³ M nọ sị a, “Mmẹ lẹ yụ k'a nọbie; y'a gbakọ ịgbaraja, yụ lẹ okẹnnyẹ aranhịnkọ — kẹ mmẹ nwẹn esọnkọ ị ranhịn.”

⁴ Ẹrịra kẹ ndị Izrẹlụ k'a nọbie — eze arịkọ, onyẹ-ndu arịkọ; ịchụn-ẹjan arịkọ, ihiẹn wẹ e zumẹni mmọn arịkọ; ẹfọdụ wẹ gi jụ Osolobuẹ ihiẹn arịkọ, nwa-mmọn arịkọ.

⁵ Kanị, omẹgụ, ndị Izrẹlụ k'a lụahazị, chọmazị Osolobuẹ wụ Chuku wẹ lẹ onyẹ ebọn Defidi ahụn k'a wụ eze wẹ. Wẹ k'a ma piripiri bịa d'e kunrun Osolobuẹ lẹ ngọzi ẹ — ogẹn ikpanzụụn.