Ẹzra 2 - Ika

Isi Nke Ẹbụọ Ndị Wẹ Kpụnjẹn Babilọnụ Hụn Lụanị

¹ Ndịnị wụ ndị Ju, ndị Ẹgbẹrẹni, hụn lụanị imẹ ndị wẹ kpụnrụn, ndị ahụn eze Babilọnụ wụ Nebukadineza kpụnrụn shi Babilọnụ. Wẹ lụaha Jerusalẹm lẹ Juda; onyẹ-onyẹ lashi obodo ẹ.

² Uwẹ lẹ ndịnị gba lụa: Zerubabẹlụ, Jeshụa, Nehimaya, Sẹraya, Rilaya, Mọdikaya, Bil'shanị, Mispa, Big'vaị, Rehum lẹ Baana. Ole ikẹnnyẹ Izrẹlụ ndị ahụn lụanị rị:

Ndị Ẹbozo Ichẹn-ichẹn

³ Ụmụ Parọshị rị mmẹbụọ kwasị ọgụn-ẹsatọ kwasị nnụ-uku ẹbụọ (2,172);

⁴ ụmụ Shẹfatịa rị mmẹbụọ kwasị ọgụn-mmẹsatọ (372);

⁵ ụmụ Ara rị mmisẹn kwasị ọgụn mmẹsatọ kwasị nnụ (775);

⁶ ụmụ Pahatị-Mụabụ (ya wụ ụmụ a ndị gha agalaba Jeshụa lẹ Jụabụ pụha) rị mmẹbụọ kwasị nnụ-ẹsa (2,812);

⁷ ụmụ Ẹlam rị mmẹnọ kwasị ọgụnnaị kwasị nnụ-ẹtọ (1,254);

⁸ ụmụ Zatu rị isẹn kwasị ọgụn-ẹsa kwasị nnụ-ẹbụọ (945);

⁹ ụmụ Zakaị rị ọgụn-mmẹsatọ kwasị nnụ (760);

¹⁰ ụmụ Bani rị ẹbụọ kwasị ọgụn-mmẹbụọ kwasị nnụ (642);

¹¹ ụmụ Bebaị rị ẹtọ kwasị ọgụn-mmanaị kwasị nnụ (623);

¹² ụmụ Az'gadị rị ẹbụọ kwasị ọgụn kwasị nnụ-ẹtọ (1,222);

¹³ ụmụ Adonikam rị isin kwasị ọgụn-mmẹtọ kwasị nnụ (666);

¹⁴ ụmụ Big'vaị rị mmisin kwasị ọgụnnaị kwasị nnụ-uku ẹbụọ (2,056);

¹⁵ nke Adini rị mmẹnọ kwasị ọgụnnaị kwasị nnụ (454);

¹⁶ ụmụ Ata (ya wụ, ụmụ nwa a wụ Hezikaya) rị mmẹsatọ kwasị ọgụn-ẹnọ (98);

¹⁷ ụmụ Bezaị rị ẹtọ kwasị ọgụn-mmisin (323);

¹⁸ ụmụ Jora rị mmẹbụọ kwasị ọgụn-isẹn (112);

¹⁹ ụmụ Hashum rị ẹtọ kwasị ọgụn-mmanaị (223);

²⁰ ụmụ Giba rị mmisẹn kwasị ọgụn-ẹnọ (95).

Ndị obodo Ichẹn-ichẹn

²¹ Ndị Bẹt'lẹhẹm rị ẹtọ kwasị ọgụn-isin (123);

²² ndị Netofa rị mmisin kwasị ọgụn-ẹbụọ (56);

²³ ndị Anatọtụ rị ẹsatọ kwasị ọgụn-isin (128);

²⁴ ndị Az'mavẹti rị ẹbụọ kwasị ọgụnnaị (42);

²⁵ ndị Kiriatị-Jiarim, Kẹfira lẹ Biẹrọtụ rị ẹtọ kwasị ọgụn-mmẹsa kwasị nnụ (743);

²⁶ ndị Rama lẹ Gẹba rị ohu kwasị ọgụn-mmanaị kwasị nnụ (621);

²⁷ ndị Mik'mashị rị ẹbụọ kwasị ọgụn isin (122);

²⁸ ndị Bẹtẹlụ lẹ Aị rị ẹtọ kwasị ọgụn mmanaị (223);

²⁹ ndị Nebo rị mmẹbụọ kwasị ọgụnnaị (52);

³⁰ ndị Mag'bishi rị mmisin kwasị ọgụn-ẹsa (156);

³¹ ndị Ẹlam Hụn ẹbọ rị mmẹnọ kwasị ọgụn-ẹbụọ kwasị nnụ-ẹtọ (1,254);

³² ndị Harim rị ọgụn-mmisin (320);

³³ ndị Lodu, Hadidi lẹ Ono rị isẹn kwasị ọgụn-mmisin kwasị nnụ (725);

³⁴ ndị Jẹriko rị isẹn kwasị ọgụn mmẹsa (345);

³⁵ ndị Sẹnaa rị iri kwasị ọgụn kwasị nnụ itenẹi (3,630).

Ndị Nchụn-ẹjan

³⁶ Ndị nchụn-ẹjan rị imẹ ndị lụanị wụ ndịnị: Ụmụ Jedaya (ndị hụn wụ ndị ikpụlọ Jeshụa): madụ mmẹtọ kwasị ọgụn-ẹsatọ kwasị nnụnaị (973);

³⁷ ụmụ Ima, madụ mmẹbụọ kwasị ọgụn-ẹbụọ kwasị nnụ-uku (1,052);

³⁸ ụmụ Pashuru, madụ ẹsa kwasị ọgụn-ẹbụọ kwasị nnụ-ẹtọ (1,247);

³⁹ ụmụ Harim, madụ mmẹsa kwasị nnụ-uku.

Ndị Livaị

⁴⁰ Ndị Livaị lụanị wụ: ụmụ Jeshụa lẹ ụmụ Kad'miẹlụ (ndị Hodavia mụ) — madụ mmẹnọ kwasị ọgụn-ẹtọ (74).

⁴¹ Ndị ọk'ẹbụ lụanị wụ: ụmụ Asafụ — ẹsatọ kwasị ọgụn-isin (128).

⁴² Ndị-nche ọnụmụzọ ichẹn-ichẹn Ụnọ-nsọ hụn lụanị wụ: ụmụ Shalum, ụmụ Ata, ụmụ Tal'mọnụ, ụmụ Akubu, ụmụ Hatita lẹzi ụmụ Shobaị — madụ mmitenẹi kwasị ọgụn-isin (139).

⁴³ Idibo Ụlọ-nsọ lụanị wụ: ụmụ Ziha, ụmụ Hasufa, ụmụ Tabawotu,

⁴⁴ ụmụ Keirosu, ụmụ Sịaha, ụmụ Padọnụ,

⁴⁵ ụmụ Lebana, ụmụ Hagaba, ụmụ Akubu,

⁴⁶ ụmụ Hagabụ, ụmụ Shalụmaị, ụmụ Hanan,

⁴⁷ ụmụ Gidẹlụ, ụmụ Gaha, ụmụ Riaya,

⁴⁸ ụmụ Rẹzini, ụmụ Nekoda, ụmụ Gazam,

⁴⁹ ụmụ Uza, ụmụ Pasia, ụmụ Besaị,

⁵⁰ ụmụ Asịna, ụmụ Mẹyunu, ụmụ Nefusim,

⁵¹ ụmụ Bak'buku, ụmụ Hakufa, ụmụ Hahọ,

⁵² ụmụ Baz'lutu, ụmụ Mehida, ụmụ Har'sha,

⁵³ ụmụ Bakọsụ, ụmụ Sisẹra, ụmụ Tẹmahi,

⁵⁴ ụmụ Nezịa lẹ ụmụ Hatifa.

⁵⁵ Ụmụ idibo Solomọnụ lụanị wụ ndịnị: Ụmụ Sotaị, ụmụ Hasofẹrẹti, ụmụ Pẹruda,

⁵⁶ ụmụ Jaala, ụmụ Dakọnụ, ụmụ Gidẹlụ,

⁵⁷ ụmụ Shẹfatịa, ụmụ Hatili, ụmụ Pokẹrẹti-Hazẹbaim lẹ ụmụ Ami.

⁵⁸ Igbọn Ụlọ-nsọ lẹ ẹbozo igbọn Solomọnụ rị mmẹbụọ kwasị ọgụn mmitenẹi (392).

Ndị Ẹfan Wẹ Rịlẹni Imẹ Ẹkụkwọ

⁵⁹ O nwọnghọ ndị gha obodo Tẹlụ-Mela, Tẹlụ-Hasha, Kẹrubu, Adọnụ lẹ Ima lụaha, kanị asanị wẹ ẹka ghọsị nị ndị Izrẹlụ mụ wẹ — ndịnị rọ:

⁶⁰ Ụmụ Dẹlaya, ụmụ Tobaya lẹ ụmụ Nekoda, wẹ rị mmẹbụọ kwasị ọgụn-mmẹbụọ kwasị nnụ (652).

⁶¹ Ndị nchụn-ẹjan lụanị hụn wẹ hụnlẹni ẹfan wẹ wụ ndịnị: Ụmụ Hobaya, ụmụ Hakọzụ, ụmụ Bazilaị (okẹnnyẹ hụn lụrụ nwa Bazilaị onyẹ Gilẹdị, zama ẹfan wẹ).

⁶² Ndịnị chọkẹnmẹ ẹfan wẹ ebe wẹ detọ ẹfan ẹbozo wẹ, ahụnnị w'a, ya wẹ nọ sị wẹ arụnlẹ ọrụn ndị nchụn-ẹjan.

⁶³ Gọvanọ nọ sị wẹ esọnlẹ ndị nchụn-ẹjan ri ihiẹn-oriri hụ kachanrịn nsọ d'e ru mgbe wẹ hụn onyẹ nchụn-ẹjan k'a sa ẹka nyan utẹn Osolobuẹ wụ Urim lẹ Tumim gwa wẹ uche Osolobuẹ.

⁶⁴ Igunrun hụ ile lụanị rị ọgụn-mmẹsatọ kwasị nnụ-uku ẹbụọ kwasị ọgụn-ẹbụọ (42,360) —

⁶⁵ cheni idibo wẹ ikẹnnyẹ lẹ ikpoho hụn rị mmẹsa kwasị ọgụn-mmisin kwasị nnụ-uku ẹsa (7,337). Wẹ nwọnzikwọ ikẹnnyẹ lẹ ikpoho ọgụn-iri (200) hụn a bụ ẹbụ.

⁶⁶ Ẹshin wẹ rị mmisin kwasị ọgụn-mmisin kwasị nnụ (736), anyịnyan-mulu rị isẹn kwasị ọgụn-mmẹbụọ (245),

⁶⁷ anyịnyan-mkpukpuke rị mmisẹn-kwasị-ọgụn kwasị nnụ (435), jaki ọgụn-mmisin kwasị nnụ mmisin (6,720).

⁶⁸ Kẹ wẹ ru Ụlọ-nsọ Osolobuẹ nọ mkpọkọ-mkpọkọ imẹ Jerusalẹm, ụfọdụ ndị-isi ikpụlọ rị imẹ wẹ nọ gi uche wẹ ye ihiẹn rị ichẹn-ichẹn nị wẹ gi rụndọnzi Ụlọ Chuku ebẹhụ ọ rị.

⁶⁹ Wẹ ye kẹ ẹka wẹ hansọnmẹ, Ihiẹn wẹ buche ẹkpa wẹ k'e gi rụn ọrụn hụ wụ akpụrụ egho goru nnụ-uku ohu kwasị ọgụn-ẹtọ (61,000), akpụrụ egho siliva nnụ-uku isẹn (5,000) lẹ ẹwuru ndị nchụn-ẹjan ọgụn-isẹn (100).

⁷⁰ Ndị nchụn-ẹjan lẹ ndị Livaị lẹ ụfọdụ ndị mmaka lẹ ndị ọkụ-ẹbụ lẹ ndị-nche ọnụ-mgbọn Ụlọ-nsọ lẹ ndị e jẹn ozi imẹ Ụlọ-nsọ nọ birisọnmẹ imẹ obodo wẹ ndị nọkunmẹ Jerusalẹm; ndị Izrẹlụ ile họdụnị nọ birisọnmẹ obodo wẹ rị ichẹn-ichẹn.