Ẹbụ-ọma 99 - Ika

Isi Nke Mmitenẹi Kwasị Ọgụn-ẹnọ Chuku Wụ Eze Hụn Kachanrịnnị

¹ Osolobuẹ wụ eze, egun ya tụma alị ile! Ọ rị ukpo-eze ẹ elu chẹrobu ndị ahụn nwọn nku, alị ya zinzinmẹ!

² Osolobuẹ wụ okẹn-ịhịan imẹ Zayọnụ; ịya kazịkwọ ndị alị ọzọ ile.

³ Wẹ jama ẹfan ị n'ọ nwọnkẹ ọghọ! Osolobuẹ wụ onyẹ w'a tụ egun ẹ; Onyẹ rị nsọ k'ọ wụ!

⁴ Eze hụn wụ Dikẹn, onyẹ ezioku a sụọ ụsụọ, y'e yegụọ ezigbo eṅẹn ọnọdị a; y'e mẹgụọ ihiẹn furuni lẹ ihiẹn rị mma imẹ ebọn Jekọpụ.

⁵ Bushi ni Osolobuẹ wụ Chuku ẹnyi elu; kụ nị isi alị ebe ọ tụkwasị ụkụ! Onyẹ rị nsọ k'ọ wụ!

⁶ Mozizi lẹ Ẹrọnụ rị ndị nchụn-ẹjan a ogẹn mbụ; Samuẹlụ rịzịkwọ ndị kpọku ẹfan a mbụ. A kpọkughọ w'a, ọ za wẹ.

⁷ Ọ gha imẹ orukpu ahụn gwa ndị nke ẹ oku; a gbayeghọ wẹ ihiẹn ọ gwa wẹ lẹ iwu ndị o ye wẹ!

⁸ Osolobuẹ, Chuku ẹnyi, ịyụ za ndị nke i oku, ị nọ wụrụnị wẹ Chuku hụn a gbagharị njọ — kanị, y'e yeghọ wẹ afụnfụn kẹ wẹ mẹ eje-ihiẹn.

⁹ Bushi ni Osolobuẹ wụ Chuku ẹnyi elu; fe n'ẹ ofufe elu Ugu nsọ a makẹni Osolobuẹ wụ Chuku ẹnyi rị nsọ.