Ẹbụ-ọma 97 - Ika

Isi Nke Mmẹsa Kwasị Ọgụn-ẹnọ Chuku Rị A Kị

¹ Osolobuẹ wụ eze; elu-ụwa ya ghọghọma! Alị ndị rịkwọrị mkpẹnrẹn-ohimin wẹ ghọghọma!

² Orukpu lẹ ẹkpa-ishi fihunmẹ ẹ; ezi-omumẹ lẹ imẹ ihiẹn furuni k'o gi a kị.

³ Ọkụn e burun'ẹ ụzọ o jẹnkọnị, a dụngbu ndị-iṅẹnrẹn ẹ.

⁴ Amụma a e begbarị ụwa ile; alị hụn a, o zinzinmẹ!

⁵ Ugu hụ a rịnranpụ lekẹ ofigbọn kẹ Osolobuẹ, Onyẹ Hụn Nwọn ụwa ile lala!

⁶ Igwere ile hụ a ghọsị ezi-omumẹ ẹ; alị ile hụ a hụn ọghọ a!

⁷ Ifẹnrẹn e mẹgbugụọ ndị ile e fe ihiẹn wẹ kpụ, ndị rị e gi mmọn nwọnlẹni ihiẹn ọ wụ a nyan isi; mmọn ile, kụnị nị Osolobuẹ isi alị!

⁸ Ndị Zayọnụ hụ a nụ a, a ghọghọ, ẹfọ hụ a sụọ ụmụ-alị Juda ụsụọ makẹ ezigbo eṅẹn i ile, Osolobuẹ.

⁹ Makẹni ịyụ wụ Osolobuẹ Kachanrịn ụwa ile; ịyụ ka mmọn ile ọhụnma-ọhụnma.

¹⁰ Ụnụ ile ihiẹn Osolobuẹ a sụọ, eje-ihiẹn ya zemẹ ụnụ ize; Osolobuẹ e dọnmẹ ndị e mẹ uche ẹ ndụn; ọ gbapụha wẹ ẹka ndị-njọ.

¹¹ Ukpẹ e nwunkpu ndị ezi-omumẹ; ịghọghọ a bịanị ndị obi wẹ kụrụ ọtọ.

¹² Ndị ezi-omumẹ, gi ni ufiri Osolobuẹ ghọghọma; a nyanhan nị k'ọ rịhan nsọ, a kpanmịn a.