Ẹbụ-ọma 93 - Ika

Isi Nke Mmẹtọ Kwasị Ọgụn-ẹnọ Osolobuẹ wụ Eze

¹ Osolobuẹ wụ eze. Ọghọ jun ẹ ẹhụ! Osolobuẹ yi ọghọ rịkẹ ẹwuru-nze; ọ kpọ ikẹn ọkịkị nọ kẹ akpụkpọ-ukun zeni. Ụwa rị ebe o tumẹ ẹ, o mẹhunmẹkọ.

² Ukpo-eze i rị ẹdẹi; Yụ nwẹn rịzịkwọ ẹdẹi.

³ Euu Osolobuẹ, iyi ndịnị e te zụnghọ ụzụn; okẹn-mirin ndịnị e te zụnghọ ụzụn kẹ w'a zụn; okẹn-mirin ndịnị a zụnghọ okẹn ụzụn,

⁴ kanị, Osolobuẹ ka ụzụn okẹn mirin ohimin rị a zụn, kazịkwọ ẹbiri ile ohimin rị a kpọ; Osolobuẹ hụn rị elu kachanrịn wẹ ile.

⁵ Iwu i ile a rịka mma w'a tụkwasị obi; nsọ Ụlọ-nsọ ị rị e furukẹ ẹ, Osolobuẹ — o k'a rị ẹrịra jẹnrin ejẹn.