Ẹbụ-ọma 87 - Ika

Isi Nke Ẹsa Kwasị Ọgụn-ẹnọ Ugu Zayọnụ Jerusalẹm

Ẹbụ-ọma itu ụmụ Kora. Wẹ gi olu ẹbụ bụ a.

¹ Elu ugu nsọ kẹ Osolobuẹ tụnye obodo Zayọnụ;

² ịya ka Osolobuẹ a sụọ karị ebe ile w'e bi imẹ alị Jekọpụ wụ Izrẹlụ.

³ Obodo Chuku, Chuku e kugụọ ihiẹn rịgbu enwẹn ẹ mma banyen'i! Sẹla

⁴ Ọ sị, “M k'a kpọ ẹfan ndị ‘Rehabụ’ lẹ ndị Babilọnụ imẹ ndị e feni m; nke ndị Filistia lẹ ndị Taya lẹ ndị Ẹtiopịa, m k'a sị, ‘Ọnwan wụ onyẹ Zayọnụ.’ ”

⁵ Wẹ k'e kusọnmẹ oku Zayọnụ, “Zayọnụ kẹ wẹ nọ mụ onyẹni; Zayọnụ kẹ wẹ nọzị mụ hụnnị.” Onyẹ Ahụn Kachanrịnnị k'e mẹ Zayọnụ turu.

⁶ Mgbe Osolobuẹ k'e gi rị e detu ẹfan alị ndị ọzọ, o k'e desọnmẹ, “Zayọnụ kẹ wẹ nọ mụ ọnwan; Zayọnụ kẹ wẹ nọzị mụ hụnnị.” Sẹla

⁷ Kẹ ndị e tẹn egu kẹ ndị a bụ ẹbụ, wẹ ile sị, “Zayọnụ, ịyụ mụ ẹnyi ile!”