Ẹbụ-ọma 70 - Ika

Isi Nke Iri Kwasị Ọgụn Ẹtọ Osolobuẹ Dodo, D'e Yekẹnrinni M Ẹka!

Ye onyẹ-ndu ẹbụ ẹbụnị. Ẹbụ Defidi rọ. Ẹbụ ọnyanhan rọ.

¹ Chuku, dodo zụọpụha m! Osolobuẹ, dodo d'e yekẹnrinni m ẹka!

² Ifẹnrẹn lẹ ịfa ya gbu ndị rị a chọ isi m! Wẹ chụkin ndị chọkọ ihiẹn e mẹni m, gbe ifẹnrẹn ye wẹ ihun!

³ Ndị rị a sị m, “Ẹhẹn! Ẹhẹn!!” wẹ gi ifẹnrẹn gbakin azụụn!

⁴ Kanị, ndị ile rị a chọ nke i, wẹ nwọnmẹ anwịnrịn, ghọghọma! Ndị nzụọpụha ị a sụọ ụsụọ wẹ tọ a sị, “Ọjịja-mma ya rịnị Chuku!”

⁵ Kanị ụya rị nwan e ri m, mkpa gi m; Chuku, dodo d'e yekẹnrinni m ẹka! Osolobuẹ, ịyụ wụ onyẹ e yeni m ẹka lẹ onyẹ a zụọpụhanị m; dodo ebiekwọlẹ!