Ẹbụ-ọma 61 - Ika

Isi Nke Ohu Kwasị Ọgụn Ẹtọ Ekpere Nchedọn

Ye onyẹ-ndu ẹbụ ẹbụnị. Wẹ kpọ ụbọ ye ẹ. Ẹbụ Defidi rọ

¹ Chuku dodo, nụ ẹkwan m; gọn ntịn ekpere m!

² M rị ebeni tegbu enwẹn ẹ ụwa ru a kpọku i, makẹni ndụn a gụgụọ m; bu m che elu ọmụma jẹn elu ọda-ọda, hụn jẹnkarị m elu;

³ makẹni ịyụ kẹ m'e gbọnni, ịyụ wụ Okẹn ụlọ zeni hụn e gbọndọnni m ndị-iṅẹnrẹn.

⁴ Dodo, nị m biri iwe i jẹnrin ejẹn, kẹni i gi nku i kpumẹ m. Sẹla

⁵ Makẹni y'a nụgụọ nkwa m kwe i, Chuku; y'e yegụọ m ihiẹn y'e ye ndị a gbayeni i.

⁶ Dodo, ye eze ụtọmị; y'a bi jẹnrin ejẹn!

⁷ Ya nọsọnmẹ ihun i, Chuku; gi ihiẹn-ọsụsụọ ị lẹ ezioku i che ẹ nche.

⁸ Kẹni m'a bụn'ị ẹbụ ọjịja-mma, e mẹzu nkwa m kwe i ụhụọhịn ile.