Ẹbụ-ọma 54 - Ika

Isi Nke Mmẹnọ Kwasị Ọgụnnaị

Ye onyẹ-ndu ẹbụ ẹbụnị. Ẹbụ Maskilu Defidi rọ. Defidi bụ a ogẹn hụ ndị obodo Zifu gi jẹn d'a sị Sọlụ hụn chụkọ Defidi, “Ẹlẹ Defidi wụ hụnnị warị obodo ẹnyi?”

¹ Chuku, dodo gi Ẹfan ị zụọpụha m; gi ikẹn i ghọsị wẹ n'o nwọnni ihiẹn m mẹ!

² Chuku, dodo nụ ekpere m; gọn ntịn ihiẹn m rị a gwa ị!

³ Makẹni ndị marịnlẹn'i e bugụọ nụmanị m; ndị ẹfọ-njọ rị a chọ nị wẹ gbu m; egun Chuku arịdẹ wẹ ẹnya! Sẹla

⁴ Kanị Chuku wụ onyẹ e yeni m ẹka; Di-nwọnni-ẹnyi wụ onyẹ e dọnmẹ m ndụn.

⁵ Eje-ihiẹn ahụn ndị-iṅẹnrẹn m mamanị m ya nọ isi wẹ bụn. Tikpọ wẹ, ni ị wụ eku e mẹ.

⁶ M k'a chụnyen'i ẹjan gha m obi pụha; m k'a ja Ẹfan ị mma, Osolobuẹ, n'ọ rịka mma.

⁷ Makẹni, y'a zụọpụhagụọ m imẹ nsọngbu m ile; e gigụọ m nwan ẹnya hụn kẹ ndị-iṅẹnrẹn m dan.