Ẹbụ-ọma 43 - Ika

Isi Nke Ẹtọ Kwasị Ọgụnnaị Ekpere Onyẹ Wẹ Chụpụ

¹ Chuku, dodo shịanị m ẹri; kinni m ọnụ m ebe ndịnị marịnlẹni Chuku rị, zụọpụha m ẹka ndị-ntụ hụn e mẹgbu ịhịan —

² makẹni ịyụ wụ Chuku hụn m gbọnni. K'ị jụtọnị m nwan? Kẹ m k'a tọnị a kwan makẹ ndị-iṅẹnrẹn rị a bịangbuni m?

³ Dodo, zihẹ ukpẹ i lẹ ezioku i; wẹ dumẹ m, wẹ duhẹ m Ugu nsọ ị lẹ ebe i bi.

⁴ Ogẹn ahụn, e shi m ukpo wẹ n'a chụnyeni Chuku ẹjan; e jẹnburu m Chuku hụn wụ okẹn ịghọghọ m; e gi m ụbọ bụn'ị ẹbụ ọjịja-mma — Chuku, Chuku m!

⁵ Obi m, kẹ ndụn rị a gụn'ị? K'ị rị e sọngbuni m? Lemẹkwọ Chuku, nị m k'a jazị a mma; ịya wụ onyẹ nzụọpụha m lẹ Chuku m.