Ẹbụ-ọma 41 - Ika

Isi Nke Ohu Kwasị Ọgụnnaị Ekpere Onyẹ Emu Rị A Kụ

Ye onyẹ-ndu ẹbụ ẹbụnị. Ẹbụ-ọma Defidi rọ.

¹ Onyẹ hụn a nyanhan ndị ogbẹnnyẹ e nwọnkẹ ngọzi. Ogẹn nsọngbu, Osolobuẹ a zụọpụha a azụọpụha.

² Osolobuẹ e che ẹ nche, e dọnmẹ ẹ ndụn; ngọzi k'e sọn ẹ alị ọ rị. Y'a lakọ a tọnị ndị-iṅẹnrẹn ẹ.

³ Osolobuẹ e kwọndọn ndụn wẹ ogẹn emu; ọ zụọ wẹ emu wẹ ile.

⁴ Mmẹ nwẹn, a rịọ m, “Osolobuẹ, dodo mẹ omikẹn m; dodo, zụọ m, n'e mẹgụọ m'ị njọ.”

⁵ Ndị-iṅẹnrẹn m hụ e kuja oku m, a sị, “Elee mgbe kẹ ọnwụn e gidẹ nwan gbu ẹ, kẹni ẹfan a gụ?”

⁶ Onyẹ bịa d'a hụn m, ọ hụ e kuyeni m nke ọnụnụ-ire, kanị ọ chọhahụ ẹnya-nru, ọ pụ, o kinmẹ.

⁷ Ndị ize m e ze hụ e ku oku m, e roni m eje-ihiẹn.

⁸ Wẹ sị, “Eje-emu e kwọndọngụọ a, o lihikọ ebẹhụ o dinẹ.”

⁹ Kẹ ezigbo ọwụ m hụn m gi dọn ẹnya, ọwụ m mmẹ lẹ ịya gba e ri ihiẹn-oriri, e bugụọ nụmanị m.

¹⁰ Kanị yụ nwẹn Osolobuẹ, dodo mẹni m omikẹn; zụọ m, nị m hụn ụzọ mẹgwarị wẹ.

¹¹ Ọnwan kẹ m'e gi marịn nị ihiẹn m a sụọghọ ị: nị y'a nịnị ndị-iṅẹnrẹn yi oro n'e mẹrigụọ wẹ m.

¹² Kama, ị hụ e mẹ m e turu makẹni m kụrụ ọtọ; y'e bugụọ m che ihun i jẹnrin ejẹn.

¹³ Ọjịja-mma ya rịnị Osolobuẹ, Chuku Izrẹlụ! Ya rịn'a jẹnrin ejẹn! Isẹẹ! Isẹẹ!