Ẹbụ-ọma 4 - Ika

Isi Nke Ẹnọ

Ẹbụ Defidi Wẹ ye onyẹ-ndu ẹbụ ya; wẹ kpọye ẹ ụbọ.

¹ M kpọ ị oku, y'a za m, Osolobuẹ hụn e kuni m ọnụ m! Yeni m ẹka imẹ nsọngbu m. Mẹni m omikẹn, nụ ekpere m.

² Elee mgbe kẹ ịhịan k'e wiwibehi ẹfan m? Elee mgbe kẹ ihiẹn wụlẹni ezigbo ẹ lẹ ntụ k'a sụọbehi ụnụ? Sẹla

³ Marịnkwọ nị nị Osolobuẹ e wegụọ onyẹ e fen'ẹ che ẹhụ a; m kpọ Osolobuẹ oku, ọ k'a za m.

⁴ Iwe nwọn ikẹn we i; ka emẹkwọlẹ njọ; ụnụ dinẹ, ụnụ e lele enwẹn ụnụ, gba nkịtịn. Sẹla

⁵ Chụn nị ẹjan hụn Osolobuẹ chọ, ụnụ e gi Osolobuẹ dọn ẹnya.

⁶ Ndị bu ọda e mẹ ekpere, a sị, “Euu, onyẹ jẹnkọ d'e mẹ elu rịzịnị ẹnyi mma? Osolobuẹ, dodo gi ẹnya rị mma lee ẹnyi!”

⁷ Kanị y'e hugụọ ịghọghọ jun m obi karị ịghọghọ ọka lẹ manya wẹ bu ọda e ye wẹ.

⁸ M k'e dinẹ, ranhịn, onwọnni ihiẹn k'e mẹni m, makẹni ịyụ wụ Osolobuẹ sụọ e dọnmẹ m.