Ẹbụ-ọma 3 - Ika

Isi Nke Ẹtọ Ekpere Eyemẹka Lẹ Okukwe

Ẹbụ Defidi bụ ogẹn o gi gbapụnị Nwa a wụ Absalọm

¹ Euu Osolobuẹ, ndị-iṅẹnrẹn m e bukẹ ọda! Ndị bunụmanị m e hikẹ!

² Ndị bu ọda hụ e ku oku m, a sị, “Osolobuẹ azụọpụhakọ a.” Sẹla

³ Kanị Osolobuẹ, ịyụ wụ onyẹ e che m nche, ọghọ m lẹ onyẹ a tụnị m ụya.

⁴ Osolobuẹ kẹ m'a kpọku, ọ gha Ugu nsọ a za m. Sẹla

⁵ M dinẹ, a ranhịn m, e tẹnhinzi m — makẹni Osolobuẹ e dọnmẹ m.

⁶ Arị m atụdẹ egun madụ nnụ ole-lẹ-ole bunụmanị m azụụn ile!

⁷ Euu Osolobuẹ, lihi! Chuku m, dodo zụọpụha m! Y'a dụgụọ ndị-iṅẹnrẹn m ịkpa agban; y'e tikwọngụọ ndị-ejẹ eze.

⁸ Ẹka Osolobuẹ kẹ nzụọpụha gha a bịa! Ngọzi i ya rịnị ndị nke i! Sẹla