Ẹbụ-ọma 29 - Ika

Isi Nke Itenẹi Kwasị Ọgụn Osolobuẹ Gi Okẹn ufere E Ku Oku

Ẹbụ-ọma Defidi

¹ Ye ni Osolobuẹ ọghọ, mmọn ile; kun'ẹ nị ọghọ lẹ ikẹn wụ nke Osolobuẹ.

² Ye ni Osolobuẹ ọghọ furu Ẹfan a; fe ni Osolobuẹ hụn rị nsọ pụ-ichẹn.

³ Olu Osolobuẹ rị elu mirin a han; Chuku nwọn ọghọ gi akpara (akpabọ) e ku, Osolobuẹ rị e gi akpabọ a ban mban elu okẹn mirin ndị ahụn.

⁴ Olu Osolobuẹ e hikẹ; olu Osolobuẹ e nwọnkẹ ọghọ.

⁵ Olu Osolobuẹ a kpagi osisi sida, Osolobuẹ e tigungwọn osisi sida Lẹbanọnụ.

⁶ O mẹdẹ Ugu Lẹbanọnụ e zinzin nọkẹ nwa-efin rị a wụshi elu, e mẹ Ugu Siriọnụ e mẹhunmẹ — nọkẹ nwa okẹn efin-ọfịa rị a wụshi elu.

⁷ Olu Osolobuẹ e be amụma, e titu ihiẹn.

⁸ Olu Osolobuẹ e mẹhunmẹ alị ọkpọ-nkụn; Osolobuẹ e mẹhunmẹ alị ọkpọ-nkụn Kadẹshi.

⁹ Olu Osolobuẹ e hiemẹdẹ okẹn-osisi wụ ọgịn, o tigichanrịn osisi rị ẹgboko. Imẹ Ụlọ-NSỌ a, olu ile hụ e yi, “Mma!!”

¹⁰ Osolobuẹ rị a kị ẹbi-mirin; Osolobuẹ wụ eze a kị jẹnrin ejẹn.

¹¹ Osolobuẹ e ye ndị nke ẹ ikẹn; Osolobuẹ e ye ndị nke ẹ udọn.