Ẹbụ-ọma 26 - Ika

Isi Nke Isin Kwasị Ọgụn Osolobuẹ, Dodo D'a Tụnị M Ụya

Ẹbụ Defidi

¹ Osolobuẹ, dodo kuni m ọnụ m, makẹni m hụ e bi ọhụnma; makẹni m hụ e gi Osolobuẹ e dọn ẹnya, enwọnni m obi ẹbụọ.

² Lele m, Osolobuẹ, dodo lele m: lele iroro m lẹ obi m —

³ Makẹni, ogẹn ile kẹ m gi a nyanhan ihiẹn-ọsụsụọ ị; m hụ e dọnmẹchanrịnn'ị enwẹn m.

⁴ M'a ra sọn ndị ntụ kpa, m'a ra sọnzikwọ ndị ihunnaị kpa.

⁵ Ịnọdị ebe ndị e mẹ eje-ihiẹn rị e ze m ize; m'a ra kweri sọn ndị-ejẹ nọdị.

⁶ A kwọpụ m ẹka ihiẹn m marịnlẹni, Osolobuẹ, e jẹnhunmẹ ukpo nchụn-ẹjan ị,

⁷ a bụ ẹbụ m gi a ja ị mma, a bụshi ẹ elu, e ku oku ihiẹn ile a tụ ẹnya ị rụn.

⁸ Euu Osolobuẹ, Ụlọ ahụn i bi a sụọka m — ebẹhụ ọghọ ị rị.

⁹ Dodo, egbulẹ m cheni ndị njọ; egbulẹ m cheni ndị egbu-lẹ-egbu —

¹⁰ ndị eje-ihiẹn rị ichẹn-ichẹn rị ẹka, ndị egho-azụụn mụmarịngụ.

¹¹ Bụ mmẹ nwẹn hụ e bi ọhụnma; dodo, gbapụha m nwan, mẹ omikẹn m.

¹² Ụkụ m e turugụọ nwan ebe riẹnni; m k'a ja Osolobuẹ mma imẹ igunrun ndị nke ẹ.