Ẹbụ-ọma 24 - Ika

Isi Nke Ẹnọ Kwasị Ọgụn Ụwa Lẹ Ihiẹn Ile Rịn'a Wụ Nke Chuku

Ẹbụ-ọma Defidi

¹ Elu ụwa wụ nke Osolobuẹ, ịya lẹ ihiẹn ile rịn'a; elu-ụwa lẹ ndị ile bin'ẹ;

² makẹni ya tụn a ye elu ohimin; ịya tumẹ ẹ ye elu mirin.

³ Onyẹ furu hụn e nyin ugu Osolobuẹ? Onyẹ furu hụn e wuzo ebẹhụ rị nsọ ọ rị?

⁴ Onyẹ ẹka a lẹ obi ẹ rị ọchan, hụn ghalẹni e we enwẹn ẹ a kwanị mmọn mọbụ e kun ẹfan Osolobuẹ a tụ ntụ.

⁵ O k'a narịn ngọzi ẹka Osolobuẹ, Chuku hụn wụ Onyẹ-nzụọpụha a k'e kun'ẹ ọhụnma.

⁶ Ẹrịra kẹ ndị e fe Osolobuẹ a rị, ndị hụn a chọ ihun i, Chuku Jekọpụ. Sẹla

⁷ Ọnụ-mgbọn ndịnị, gụnpụ nị; Ọnụmụzọ ẹdẹi ndịnị, wẹ gụnpụ ụnụ, kẹni Eze nwọn ọghọ banhan.

⁸ Onyẹ wụdẹ Ezeni nwọn ọghọ? Osolobuẹ hụn wụ dikẹn lẹ odogun rọ, Osolobuẹ hụn wụ odogun-agha rọ.

⁹ Ọnụ-mgbọn ndịnị, gụnpụ nị! Ọnụmụzọ ẹdẹi ndịnị, gụnpụ nị kẹni Eze nwọn ọghọ banhan.

¹⁰ Onyẹ wụdẹ Ezeni nwọn ọghọ? Osolobuẹ hụn Nwọn ikẹn ile — ịya wụ Eze ahụn nwọn ọghọ. Sẹla