Ẹbụ-ọma 20 - Ika

Isi Nke Ọgụn Osolobuẹ Ya Tu I Ugọn

Ye onyẹ-ndu ẹbụ ẹbụnị. Ẹbụ Defidi rọ.

¹ Osolobuẹ ya dodo za ị oku ogẹn nsọngbu! Ẹfan Chuku Jekọpụ ya che i nche!

² Ya gha imẹ Ụlọ-nsọ a zihẹn'i eyemẹka; ya gha Ugu Zayọnụ rị Jerusalẹm kwadọn i.

³ Ya nyanhan oyiye i ile, ya narịn ẹjan ndị w'a dụn ọkụn ị chụnyen'ẹ. Sẹla

⁴ Ya ye i ihiẹn obi i chọ — ya mẹ ihiẹn ile ị rị e ro gha,

⁵ ẹnyi e yi oro ịghọghọ nị y'e mẹrigụọ, ẹnyi e gi ẹfan Osolobuẹ ẹnyi nyan isi! Osolobuẹ ya mẹn'i ihiẹn ile ị rịọ.

⁶ A marịngụọ m nwan nị Osolobuẹ a zụọpụha onyẹ ọ họrị tumẹ azụọpụha; ọ gha elu-igwee ẹ rị nsọ a za a ghahanị nzụọpụha ẹka a e wẹhẹ.

⁷ Ụfọdụ gi ụgbọ-ẹshin agha e dọn ẹnya; ndị ọzọ gi ẹshin-agha e dọn ẹnya — kanị ẹnyi nwẹn gi ẹfan Osolobuẹ wụ Chuku ẹnyi e dọn ẹnya!

⁸ Wẹ k'a sọhị, dan, ẹnyi nwẹn k'e lihi, turu ọhụnma-ọhụnma.

⁹ Osolobuẹ dodo, ye eze mmẹri; ẹnyi kpọ ị ya za ẹnyi.