Ẹbụ-ọma 149 - Ika

Isi Nke Itenẹi Kwasị Ọgụn-ẹsa Mmẹri Wụ Nke Ụmụ Osolobuẹ

¹ Ja nị Osolobuẹ mma! Bụ nị nị Osolobuẹ ẹbụ ọhụn; gi ni ẹbụ ja a mma imẹ ozuzu ndị nke ẹ!

² Ndị Izrẹlụ wẹ ghọghọma makẹ Onyẹ hụn keni wẹ; ẹfọ ya sụọma ndị Zayọnụ ụsụọ makẹ Eze wẹ.

³ Wẹ tẹnmẹ egu jama ẹfan a mma, wẹ kpọn'a ụbọ, kụn'a ẹgede-chakachaka.

⁴ Makẹni ihiẹn ndị nke Osolobuẹ a sụọ Osolobuẹ a sụọ; o gi nzụọpụha a chọ ndị wẹ rị a bịangbu mma.

⁵ Ndị e mẹ uche ẹ wẹ gi ọghọ o ye wẹ yimẹ oro; wẹ bụsọnmẹ ẹbụ ịghọghọ elu bẹdi wẹ.

⁶ Wẹ bu ẹbụ wẹ gi a ja Osolobuẹ mma che ọnụ, bu ọpịa-agha ọnụ-ẹbụọ che ẹka;

⁷ hụn w'e gi mẹgwarị alị ndị-ọzọ, ye alị ndị-ọzọ afụnfụn,

⁸ kpọma ndị-nze wẹ ẹgan, kpọma ndị-isi wẹ ẹgan-igwe,

⁹ ye wẹ afụnfụn Osolobuẹ detọnị wẹ. Hụnnị wụ ọghọ ndị ile e mẹ uche Osolobuẹ. Ja nị Osolobuẹ mma!