Ẹbụ-ọma 142 - Ika

Isi Nke Ẹbụọ Kwasị Ọgụn-ẹsa Dodo Zụọpụha M Ẹka Ndị Ka M Ẹka

Ẹbụ Maskilu Defidi de k'ọ warị imẹ okporo. Ekpere rọ.

¹ M rị e weshi olu elu a kpọku Osolobuẹ; m rị a hị Osolobuẹ n'o mẹ omikẹn m.

² M rị a gwaghọsị a k'ọ rị m; m rị a gwa a nsọngbu m.

³ Ebe ndụn nọ gụchanrịn m, ịyụ sụọ marịn k'ọ rị m. E shigụọ wẹ ọnyan zuemẹni m ụzọ m'a gha.

⁴ Lee nwan ẹnya ẹka-nni m n'ị hụn nị onwọnni onyẹ e feyedẹ m ẹnya; ebe m'a gbaban arịa; onwọnni onyẹ kpọ ndụn m ihiẹn ọwụlẹ.

⁵ Dodo Osolobuẹ, m rị a kpọku i; a sị, “Ịyụ kẹ m gbọnni, ịyụ sụọ kẹ m nwọn elu-ụwa.”

⁶ Dodo gọn ntịn ẹkwan m, nị ụya e d'e gbu m; dodo gbapụha m ẹka ndị rị e kpokponi m, makẹni uwẹ ka m ikẹn.

⁷ Wepụha m imẹ ngannị m rị, kẹni m hụn ụzọ ja ị mma. Ogẹn ahụn, ndị ezi-omumẹ e fihunmẹ m a ghọghọ, makẹ ọhụnma i mẹni m.