Ẹbụ-ọma 14 - Ika

Isi Nke Mmẹnọ Onyẹ-nzuzu Sị Osolobuẹ Arị

Ẹbụ Defidi Wẹ ye onyẹ-ndu ẹbụ ẹbụnị.

¹ Ẹwobi sị enwẹn ẹ, “Chuku arị.” A rụgụọ wẹ; ihiẹn rụnị kẹ wẹ e mẹ. Onwọnni onyẹ e mẹ ihiẹn rị mma.

² Osolobuẹ hụ a gha elu-igwee e lee ịhịan, n'ọ hụn k'o nwọnghọ onyẹ nwọn uche — onyẹ e fe Chuku.

³ Wẹ ile a kpahugụọ; wẹ ile a rụchanrịngụọ; onwọnni kaka onyẹ ohu e mẹ ihiẹn rị mma — onwọndẹni akpụ onyẹ ohu.

⁴ Ndị-njọnị aghọtakọdẹ? Ndịnị hụn e bu ndị nke m e ri kẹ brẹdi, ndịnị ghalẹni a kpọku Osolobuẹ.

⁵ Okẹn egun rị nwan a tụ wẹ ebe wẹ rị, makẹni Chuku rị ndị ezi-omumẹ azụụn.

⁶ Ụnụ ndị-ejẹ e mẹsọnmẹ ndị ụnụ rị a bịangbu uke, kanị Osolobuẹ kẹ wẹ gbaburu.

⁷ Dodo, nzụọpụha ya gha obodo Zayọnụ rị Jerusalẹm bịanị Izrẹlụ!! Ogẹn Osolobuẹ k'e gi mẹ n'ọ rịzịnị ndị nke ẹ mma, ụmụ Jekọpụ k'a ghọghọ — ẹghẹẹ, ẹfọ k'a sụọ uwẹ ndị Izrẹlụ ụsụọ!