Ẹbụ-ọma 130 - Ika

Isi Nke Iri Kwasị Ọgụn-isin Cheri Osolobuẹ N'ọ Zụọpụha Ị

Ẹbụ Wẹ Gi E Jẹn Ụlọ-nsọ

¹ Euu Osolobuẹ, m rị imẹ ụya a kpọku i!

² Dodo Di-nwọnni-ẹnyi, nụ olu m! Gọn ntịn arịrịọ m rị a rịọ ị!

³ Ị gụnma njọ ịhịan, Osolobuẹ, onyẹ k'a s'ẹka wuzo?

⁴ Kanị, y'a gbagharị njọ agbagharị, wẹ hụ e gi ufiri ẹ a gbaye i.

⁵ M rị e che Osolobuẹ e gi obi m ile e che; m rị e gi ihiẹn o ku e dọn ẹnya.

⁶ M rị a tụ ẹnya Osolobuẹ, karịdẹ kẹ ndị-nche a tụ ẹnya ụtụntụn.

⁷ Ndị Izrẹlụ, gi ni Osolobuẹ dọn ẹnya! Makẹni, ara nwọnbehi ihiẹn-ọsụsụọ lẹ ni ọ gbapụha ịhịan ọda-ọda.

⁸ Ịya jẹnkọ d'a gbapụha Izrẹlụ imẹ njọ a ile.