Ẹbụ-ọma 13 - Ika

Isi Nke Mmẹtọ Osolobuẹ Dodo Lee M Ẹnya Ihun

Ẹbụ-ọma Defidi Wẹ ye onyẹ-ndu ẹbụ ẹbụnị.

¹ Euu Osolobuẹ, elee mgbe k'i k'a zọbehi m? N'ị zọ m jẹnrin ejẹn? Elee ogẹn kẹ y'e zuemẹbehini m enwẹn i?

² Elebe m'e roru iroro? Elee mgbe kẹ ụfụ rị m obi ụhụọhịn ile e gi bi? Elee ogẹn kẹ ndị-iṅẹnrẹn m k'e mẹribehi m?

³ Euu Osolobuẹ wụ Chuku m, lee m ẹnya ihun — n'ị za m! Dodo, mẹ m leghamazị ụzọ, amamgbe m'a ranhịn ụran ọnwụn —

⁴ eṅẹnrẹn m a sị, “E mẹrigụọ m'a;” ndị-iṅẹnrẹn m a ghọghọma n'a dangụọ m.

⁵ Kanị, ihiẹn-ọsụsụọ ị ghalẹni a latọ ndị nke i kẹ m gi dọn ẹnya; obi m ya ghọghọ makẹ nzụọpụha ị.

⁶ M k'a bụnị Osolobuẹ ẹbụ, makẹni o mẹgụọnị m ọhụnma ọda-ọda.