Ẹbụ-ọma 128 - Ika

Isi Nke Ẹsatọ Kwasị Ọgụn-isin Ngọzi A Rịka Ịtụ-egun Osolobuẹ

Ẹbụ Wẹ Gi E Jẹn Ụlọ-nsọ

¹ Ngọzi a rịkakwọnị onyẹ hụn a tụ egun Osolobuẹ, onyẹ hụn e sọn ụzọ a ile.

² I k'e ri ihiẹn ị rụn; ngọzi k'e sọn i ọda-ọda; ihiẹn rị mma k'e sọn i.

³ Nwunyẹ i k'a rị a mị mkpụrụ mmụlọ iwe i nọkẹ osisi vaịnị; ụmụ ị k'e fihunmẹ ebe ụnụ a nọ e rị ihiẹn oriri nọkẹ osisi olivu.

⁴ Ẹrịra kẹ ngọzi e sọn onyẹ a tụ egun Osolobuẹ.

⁵ Osolobuẹ ya gha Zayọnụ gọzi i; kẹni i hụn aghamihun Jerusalẹm y'e we bigụ;

⁶ kẹni i gi ẹnya ị hụn ụmụ-ụmụ ị. Ya rịnị Izrẹlụ mma!