Ẹbụ-ọma 124 - Ika

Isi Nke Ẹnọ Kwasị Ọgụn-isin Ẹnyi A Wanahịngụọ Ghahanị Eyemẹka Osolobuẹ

Ẹbụ Wẹ Gi E Jẹn Ụlọ-nsọ; Ẹbụ Defidi rọ.

¹ Omẹni ẹlẹ hụn Osolobuẹ rị ẹnyi azụụn, ndị Izrẹlụ kudẹle ni.

² Omẹni ẹlẹ hụn Osolobuẹ rị ẹnyi azụụn ogẹn wẹ gi bunụmanị ẹnyi;

³ nkẹ e luepụ wẹ ẹnyi ndụn ogẹn wẹ gi buni ẹnyi olulu;

⁴ nkẹ mirin e huru ẹnyi; nkẹ iyi e rukpumẹ ẹnyi;

⁵ nkẹ mirin ahụn rị a kpọ ẹbi ọda-ọda e huru ẹnyi.

⁶ Ekele ya rịnị Osolobuẹ o gilẹni we ẹnyi ye wẹ tagbu!

⁷ Ẹnyi a wanahịngụọ nọkẹ nnụnụ, nnụnụ hụn wanahịn ọnyan ohuẹ! Ọnyan a kpagigụọ, ẹnyi a wanahịn!

⁸ Ẹfan Osolobuẹ, Onyẹ hụn ke elu-igwee lẹ ụwa, kẹ eyemẹka ẹnyi gha a bịa.