Ẹbụ-ọma 122 - Ika

Isi Nke Ẹbụọ Kwasị Ọgụn-isin Jerusalẹm A Rịka Mma

Ẹbụ Wẹ Gi E Jẹn Ụlọ-nsọ. Ẹbụ Defidi rọ.

¹ Ẹfọ sụọ m ụsụọ kẹ wẹ sị m, “Nị ẹnyi jẹn Ụlọ Osolobuẹ!”

² Euu Jerusalẹm, ẹnyi wuzo nwan ọnụ-mgbọn i.

³ Jerusalẹm, hụn wẹ tụn kẹ w'a tụn obodo: dọnyechanrịn ihiẹn ile rịn'a ọhụnma.

⁴ Ebeni kẹ ebọn Izrẹlụ ile a bịa, ebọn ndị nke Osolobuẹ; w'a bịa d'e ye Osolobuẹ ekele; iwu k'ọ wụ imẹ alị Izrẹlụ.

⁵ Imẹ Jerusalẹm kẹ ukpo-eze ndị wẹ nọ a han eṅẹn rịsọnmẹ, ukpo-eze ikpụlọ Defidi.

⁶ A rịọ nị n'ọ rịnị Jerusalẹm mma: sị nị, “Ya rịnị ndị ihiẹn i a sụọ mma.

⁷ Ihiẹn ya rịchanrịn mma ebe ile mgbọn i gha; ẹhụ ya fu ịhịan ebe ile wẹ gi dọn ẹnya imẹ i.”

⁸ Ufiri umunẹ m lẹ ndị-ọwụ m, m sị, “Ya rịnị ị mma!”

⁹ Ufiri Ụlọ Osolobuẹ wụ Chuku ẹnyi, m k'a gha a chọ ọrịrịmma ị, Jerusalẹm.