Ẹbụ-ọma 12 - Ika

Isi Nke Mmẹbụọ Euu Osolobuẹ, Ndị ezi-omumẹ Arịzị!

Ẹbụ Defidi Wẹ ye onyẹ-ndu ẹbụ ẹbụnị; wẹ gi olu shẹminiti lụa alị bụ a.

¹ Dodo Osolobuẹ, d'e ye ẹka n'o nwọnzini onyẹ a tụ egun Osolobuẹ rịnị; w'a ra hụnzị ndị ezioku!

² Ntụ-ntụ kẹ onyẹ onyẹ a tụ ibe ẹ; wẹ e kuhụ oku ọnụnụ-ire kanị obi wẹ rị e ku ichẹn.

³ Osolobuẹ ya bepụ ụgb'ọnụ ile wẹ gi e ku oku ọnụnụ-ire lẹ ire ile wẹ gi a nyan isi;

⁴ hụn a sị, “Ẹnyi k'e gi ire ẹnyi mẹri! Ụgb'ọnụ ẹnyi wụ nke ẹnyi, onyẹ nwọn ẹnyi?”

⁵ Osolobuẹ sị, “Makẹ ọbịangbu wẹ rị a bịangbu ndị zelẹni lẹ udẹn ndị rị imẹ-nsọngbu rị a sụn — m jẹnkọ d'e lihi nwan d'e che wẹ nche hụ rị wẹ obi ọda-ọda.”

⁶ Ihiẹn ọwụlẹ Osolobuẹ ku wụchanrịn ihiẹn wẹ gi e dọn ẹnya; lekẹ siliva wẹ gi okẹn ọkụn chanchan, chanchan a mgbe ẹsa.

⁷ Ẹghẹẹ Osolobuẹ, i k'e chesọnmẹ ẹnyi nche, amamgbe eje-agbọnị a rụ ẹnyi ẹhụ —

⁸ makẹni ndị-njọ rị ụzọ ile nọkẹ kẹ eje-ihiẹn dọn rị e nwọn ọghọ.