Ẹbụ-ọma 114 - Ika

Isi Nke Mmẹnọ Kwasị Ọgụn-isẹn Tụmakwọ Nị Egun Osolobuẹ!

¹ Ogẹn ndị Izrẹlụ gi gha alị Ijiptu pụha, ogẹn ụmụ Jekọpụ gi gha imẹ ndị ahụn pụha, ndị ahụn a sụ asụsụ ọzọ pụha,

² alị Juda e họnrin Ụlọ-nsọ Osolobuẹ, Izrẹlụ ile e họnrin alị-eze ẹ.

³ Ohimin ufie e lee ẹnya, gbama ọsọ! Iyi Jọdanị a gbakinzikwọ azụụn!

⁴ Ugu ndị ahụn a wụshimẹ elu rịkẹ ebulu! Okee ndị ahụn a wụshimẹ elu rịkẹ ụmụ atụnrụn!

⁵ Ohimin, k'ị gbanị nwan ọsọ? Ịyụ wụ Iyi Jọdanị, k'ị gbakinni nwan azụụn?

⁶ Ugu, kị ụnụ wụshimẹni elu rịkẹ ebulu? Okee, kị ụnụ wụshimẹni elu rịkẹ ụmụ atụnrụn?

⁷ Alị, mẹhunmẹmẹ, n'ị rị ihun Osolobuẹ, n'ị rị ihun Chuku Jekọpụ,

⁸ hụn e gi ọmụma e họnrin ọgbọ-mirin, e gi ọmụma zeni e họnrin ebe mirin gha a gbapụha.