Ẹbụ-ọma 112 - Ika

Isi Nke Mmẹbụọ Kwasị Ọgụn-isẹn Onyẹ Osolobuẹ Gọzi

¹ Ja nị Osolobuẹ mma! Onyẹ ọwụlẹ hụn a gbaye Osolobuẹ e nwọngụọ ngọzi, onyẹ hụn ịgbaye oku Osolobuẹ a sụọ ọda-ọda.

² Ụmụ a k'a wụ okẹn ịhịan imẹ alị hụ; ngọzi k'e sọn agbọ ndị ezi-omumẹ.

³ Akụ-lẹ-ụba lẹ ẹfe k'e jun iwe ẹ; o k'e mẹsọnmẹ ihiẹn furuni jẹnrin ejẹn.

⁴ Ukpẹ e nwunni ndị kụrụ ọtọ imẹ ishi, ndị hụn e mẹ omikẹn lẹ ẹfọma, ndị e mẹ ihiẹn furuni.

⁵ Ezigbo ihiẹn k'ọ wụ nị ịhịan e mẹ ẹfọma, e zinye ịhịan ihiẹn; e gi ezioku e mẹ ihiẹn ẹ ile.

⁶ Makẹni, onwọnni ihiẹn k'e mẹhunmẹn'ẹ; azọkọ wẹ onyẹ ezi-omumẹ.

⁷ Ara tụ egun n'o k'a nụ eje-ozi, obi ruchanrịn a alị makẹni Osolobuẹ k'o gi dọn ẹnya.

⁸ Obi ruchanrịn a alị, egun ara tụ a; o k'a hụn ebe wẹ nọ mẹrin'ẹ ndị-iṅẹnrẹn ẹ.

⁹ O yesọnmẹ ndị-ọzọ ihiẹn, o yesọnmẹ ndị elu rị a fụ ihiẹn; o k'e mẹsọnmẹ ihiẹn furuni jẹnrin ejẹn; o k'e mẹri, nwọn mgbaye.

¹⁰ Ndị-njọ k'a hụn ihiẹnni, ize a ban wẹ; wẹ k'a ta nkwẹnrẹn-eze, dẹnhin; ndị-njọ ahụnkọ ihiẹn wẹ rị a chọ.