Ẹbụ-ọma 110 - Ika

Isi Nke Iri Kwasị Ọgụn-isẹn Eze Hụn Wụzị Onyẹ Nchụn-ẹjan Lekẹ Mẹkizẹdẹkị

Ẹbụ Defidi

¹ Osolobuẹ sị di-nwọnni-m, “Nọdị alị ẹka-nni m, d'e ru mgbe m bugụ ndị-iṅẹnrẹn i che okpuru ụkụ ị.”

² Osolobuẹ k'e mẹ i gha obodo Zayọnụ kịgbarị: kịma nwan ndị-iṅẹnrẹn i.

³ Ndị nke i k'e wepụhachanrịn obi sọnjẹn i agha ụhụọhịn i k'a kpa ikẹn; yụ lẹ ọghọ rị nsọ rị ị ẹhụ, eki fọn ụhụọhịn hụ, ndụn-okorọbịa ị e ziẹntun'i nọkẹ igirigi.

⁴ Osolobuẹ e kungụọ enwẹn ẹ ku ẹ — o kuhutọkọ ọnụ: “Onyẹ nchụn-ẹjan k'ị wụ jẹnrin ejẹn, ụdị nke Mẹkizẹdẹkị.”

⁵ Di-nwọnni-ẹnyi hụ ị ẹka-nni; o k'e tikpọchanrịn ndị-nze, ụhụọhịn hụ o k'e bu olulu.

⁶ O k'e ye alị ndị ọzọ afụnfụn njọ wẹ, gbu ozun jun alị wẹ; o k'a kụkpọ isi bu ọda imẹ alị ile.

⁷ O k'a rarị mirin iyi rị ụzọ, kẹni ọ hụn ndụn turu.