Ẹbụ-ọma 101 - Ika

Isi Nke Ohu Kwasị Ọgụn-isẹn Nkwa Eze Kwe

Ẹbụ Defidi rọ.

¹ M jẹnkọ nwan d'a bụ ẹbụ banyeni ihiẹn-ọsụsụọ lẹ imẹ ihiẹn furuni; ịyụ Osolobuẹ, kẹ m jẹnkọ d'a bụn'a.

² M k'e dọnrin ẹnya bi obibi nwọnlẹni nkọrịanị. Elee mgbe kẹ y'a bịa d'e kunrun m? M k'e gi obi kụrụ ọtọ bi iwe m.

³ Anịkọ m wẹ mẹ ihiẹn ọwụlẹ rịlẹni mma ihun m; obibi ndị rị a gbakitọ Osolobuẹ azụụn e ze m ize; onwọnni ihiẹn m gi wẹ e mẹ.

⁴ Erokọ m ihiẹn ọwụlẹ rịlẹni mma, ọsọ kẹ m'a gban'a; ebuchekọ m ẹka eje-ihiẹn.

⁵ Omẹni ịhịan e kuja oku ibe ẹ azụụn a, m k'e tikpọ a; omẹni ịhịan a pache apache, e mẹkarị enwẹn ẹ, eyekọ m'a efe.

⁶ Ndị ezioku rị alị kẹ m'e kweri nị wẹ sọn m biri. Onyẹ e bi obibi nwọnlẹni nkọrịanị nwọn rụnnị m ọrụn.

⁷ Onwọnni onyẹ ghalẹni e ku ezioku k'e bi iwe m; onyẹ-ntụ agbọrịkọ ihun m.

⁸ Ụhụọhịn-ụhụọhịn kẹ m k'e gi e tikpọ ndị-ejẹ rị alịnị, d'e ru n'e gbupụchanrịn m ndị-njọ ile rị obodo Osolobuẹ.