Ẹbụ-ọma 100 - Ika

Isi Nke Ọgụn-isẹn Ụwa Ile, Kpanmịn Nị Osolobuẹ

Ẹbụ Mkpanmịn

¹ Ụwa ile, yini ni Osolobuẹ oro ịghọghọ!

² Gi ni anwịnrịn fe Osolobuẹ ofufe; gi ni ẹbụ ịghọghọ banhan ebe ọ rị!

³ Marịn nị nị Osolobuẹ wụ Chuku. Ịya ke ẹnyi; ịya nwọn ẹnyi; ndị nke ẹ kẹ ẹnyi wụ, lẹ atụnrụn ọ rị a zụn.

⁴ Gi ni mkpanmịn banye ọnụ-mgbọn ẹ, gi ni ịja-mma banye ezi-ọgwa a. Kpanmịn n'a; ja nị ẹfan a mma.

⁵ Makẹni Osolobuẹ arịka mma; o nwọnsọnmẹ ihiẹn-ọsụsụọ o kwe nkwa a jẹnrin ejẹn, ọ wụsọnmẹ onyẹ wẹ e gi dọn ẹnya, gha agbọ d'e ru agbọ.