Ẹbụ-ọma 1 - Ika

Nkebe Nke Ibuzọ Isi Nke Ohu Onyẹ Chuku Gọzi

¹ Chuku a gọzikẹ onyẹ hụ hụn ghalẹni e weri ndụnmọdụn ndị-njọ, hụn ghalẹni e sọn nzọmụkụ ndị-njọ, hụn ghalẹni a nọdịyeni ndị-nlelịa;

² Kanị, Iwu Osolobuẹ nwọn a sụọ a — iwu Osolobuẹ kẹ obi ẹ rịchanrịn uhinhin lẹ efinnaị.

³ Onyẹ hụ nọ kẹ osisi wẹ kụnye mkpẹnrẹn-mirin, hụn a mị mkpụrụ a udu ẹ, hụn ghalẹni a gbụ ẹhụhụọ. Ihiẹn ile onyẹ ahụn buche ẹka a gha ihun.

⁴ Ndị eje-omumẹ anọkwọnị ẹrịra! Wẹ nọhụ kẹ ẹfịfịa ọka, hụn ufere e bupụ.

⁵ Ya wụ, ndị eje-omumẹ eturukọ ogẹn okinkin-ikpe; ndị eje-omumẹ eturukọ imẹ igunrun ndị ezi-omumẹ.

⁶ Osolobuẹ rị onyẹ ezi-omumẹ azụụn ụzọ hụ ọ ghakọ, kanị ụzọ ndị-njọ shikọ ntikpọ.