Jo̩shua 19 - O̩TAKADA O̩LA O̩JO̩ 1970

Ukpe̩ abo o̩lo̩pu o̩lo̩pu kibo̩

¹ Tak anya ekeji ku ma ro̩ je̩ todu Simeo̩n, owñ chʼutodu abo o̩lo̩pu Simeo̩n akwo̩ra unyi akwo̩ra unyi-wñ; e̩wñ ogu-wñ la dʼalumeji e̩wñ ogu amo̩ma Juda.

² E̩wñ ku ma ne̩ tod e̩wñ ogu-ma la de̩, Birshiba kpai Shiba kpai Molada

³ kpai Hazar-shual kpai Bala kpai Eze̩m

⁴ kpai E̩ltolad kpai Betul kpai Ho̩rma

⁵ kpai Ziklag kpai Be̩t-markabot kpai Hazar-susa

⁶ kpai Be̩t-labao̩t kpai Sharuhen; ewo me̩gwe̩ta manyʼikpo unyi ikpo unyi-ma;

⁷ Ain kpai Rimo̩n kpai Ete̩r kpai Ashan: ewo me̩le̩ manyʼikpo unyi ikpo unyi-ma;

⁸ manyʼikpo unyi ikpo unyi du ki le ewo ewo-i daka gbogbo nyi Bealat-bie̩r kpai Rama e-o̩wo̩ o̩pata o̩gane̩ ge̩. E-le̩ chʼe̩wñ ogu abo o̩lo̩pu Simeo̩n akwo̩ra unyi akwo̩ra unyi-wñ.

⁹ E̩wñ ogu amo̩ma Simeo̩n le̩ kwʼef ane̩ kʼanya je̩ ñw abo Juda; todu ukpe̩ amo̩ma Juda le̩ gbe̩ tu ma le, todule̩ oñ amo̩ma Simeo̩n ne̩ e̩wñ ogu ef e̩wñ ogu e-ma le̩.

¹⁰ Tak anya e̩ke̩ta je̩ todu amo̩ma Ze̩biulo̩n akwo̩ra unyi akwo̩ra unyi-wñ. Oñ alo̩me̩ e̩wñ ogu-ma te̩ gbogbo wa kado Sarid;

¹¹ tak alo̩me̩-wñ te̩gu tʼo̩wo̩ olane̩ alo tu Mareala, oñ i le kado Dabeshe̩t, tak i te̩ kad aji kʼi dʼo̩gba Jokneam;

¹² akwo Sarid i murida le rʼowe̩ olodudu nyʼalo̩me̩ Chislo̩t-tabor;

¹³ akwʼo̩mo̩ i anyi Dabe̩rat, tak i ate̩gu nyi Jafia; akwʼo̩mo̩ i dabo̩jo̩ lʼo̩wo̩ olodudu anyi Gat-he̩fe̩r, anyi E̩t-kazin, oñ i ledufu Rimon e-kʼi ate̩ gbogbo wa kado Nea;

¹⁴ tak alo̩me̩-wñ dagbala lʼo̩wo̩ o̩pata ate̩-wñ anyi Hanato̩n; oñ i akpoji o̩go̩ Ifta-e̩l;

¹⁵ kpai Katat kpai Nahalal kpai Shimro̩n kpai Idala kpai Be̩tle̩he̩m: ewo me̩gweji manyʼikpo unyi ikpo unyi-ma.

¹⁶ E-le̩ chʼe̩wñ ogu kʼamo̩ma Ze̩biulo̩n je̩ akwo̩ra unyi akwo̩ra unyi-wñ, owñ chʼewo ewo-i kpai ikpo unyi ikpo unyi-ma.

¹⁷ Anya e̩ke̩le̩ ku ma ro le̩ todu Isakar, owñ chʼutodu amo̩ma Isakar alu kʼakwo̩ra unyi akwo̩ra unyi-ma de̩.

¹⁸ Oñ alo̩me̩-ma te̩ kado Je̩zree̩l kpai Chesulo̩t kpai Shune̩m

¹⁹ kpai Hafaraim kpai Shion kpni Anaharat

²⁰ kpai Rabit kpai Kishion kpai Ebe̩z

²¹ kpai Reme̩t kpai E̩n-gamm kpai E̩n-hada kpai Be̩t-paze̩z;

²² alo̩me̩ le̩ ño̩ te̩ kado Tabo̩r kpai Shahazuma kpai Be̩t-shime̩sh; alo̩me̩-ma la kpoji o̩la Jo̩rdan: owñ chʼewo me̩gwe̩fa manyʼikpo unyi ikpo unyi-ma.

²³ E-le̩ chʼe̩wñ ogu abo o̩lo̩pu Isakar, alu kʼakwo̩ra unyi akwo̩ra unyi-ma de̩: owñ chʼewo ewo le̩ manyʼikpo unyi ikpo unyi-ma.

²⁴ Tak anya e̩ke̩lu je̩ todu abo o̩lo̩pu Ashe̩r alu kʼakwo̩ra unyi akwo̩ra unyi-ma de̩.

²⁵ Oñ alo̩me̩-ma te̩ kado He̩lkat kpai Hali kpai Bete̩n kpai Akshaf

²⁶ kpai Alamele̩k kpai Amad kpai Mishal; o̩wo̩ olodudu-wñ la te̩ kado Karme̩l kpai Shiho̩r-libnat,

²⁷ tak i murida tʼo̩wo̩ olodudu anyi Be̩t-dagan, oñ i te̩ kado Ze̩biulo̩n kpai o̩go̩ Ifta-e̩l tak i le rʼo̩wo̩ o̩pata ate̩ anyi Be̩t-eme̩k kpai Neie̩i; tak i alo rʼo̩wo̩ awohi kado Kabul,

²⁸ kpai Ebro̩n kpai Rehob kpai Hamo̩n kpai Kana gbogbo wa Saido̩n elile;

²⁹ tak alo̩me̩ le̩ arida nyi Rama gbogbo te̩ kado ewo Taie̩r ku ma bʼaku nyʼu le̩; tak alo̩me̩ le̩ murida anyi Hosa, oñ i akpoji o̩la ohimini me̩ru ojane̩ Akzib,

³⁰ kpai Uma kpai Afe̩k kpai Rehob; ewo ogu nyoke meji manyʼikpo unyi ikpo unyi-ma le̩.

³¹ E-le̩ chʼe̩wñ ogu abo o̩lo̩pu Ashe̩r alu kʼakwo̩ra unyi akwo̩ra unyi-ma de̩: owñ chʼewo ewo-i manyu ikpo unyi ikpo unyi-ma.

³² Anya e̩ke̩fa je̩ todu abo Naftali, owñ chʼutodu abo Naftali alu kʼakwo̩ra unyi akwo̩ra unyi-ma de̩.

³³ Oñ alo̩me̩-ma chane̩ akwo Hele̩f, kwugbo oli ok efu Zaananim le̩ alegu Adami-nekeb kpai Jabnee̩l du gbogbo wa Lakum: oñ i kpoji o̩la Jo̩rdan;

³⁴ tak alo̩me̩ le̩ murida tʼo̩wo̩ olane̩ anyi Azno̩t-tabo̩r, tak i kwʼo̩mo̩ anyi Hu-ko̩k, oñ i te̩ kado Ze̩biulo̩n o̩wo̩ o̩pata o̩gane̩ kpai Ashe̩r o̩wo̩ olane̩-wñ kpai Juda o̩la Jo̩rdan o̩wo̩ olodudu le̩.

³⁵ Ewo ewo ki nʼaku che Zidim kpai Ze̩r kpai Hamat kpai Rakat kpai Chine̩re̩t

³⁶ kpai Adama kpai Rama kpai Hazo̩r

³⁷ kpai Kede̩sh, kpai Edrei kpai E̩n-hazo̩r,

³⁸ kpai Iron kpai Migdale̩l kpai Ho̩rem kpai Be̩t-anat kpai Be̩t-shime̩sh: owñ chʼewo ewo me̩gwe̩la manyʼikpo unyi ikpo unyi-ma.

³⁹ E-le̩ chʼe̩wñ ogu abo o̩lo̩pu Naftali alu kʼakwo̩ra unyi akwo̩ra unyi-ma de̩. Owñ chʼewo ewo le̩ manyu ikpo unyi ikpo unyi-ma.

⁴⁰ Anya e̩kebie je̩ todu abo o̩lo̩pu Dan alu kʼakwo̩ra unyi akwo̩ra unyi-ma de̩.

⁴¹ Oñ alo̩me̩ e̩wñ ogu e-ma te̩ kado Zo̩ra kpai Eshtaol kpai Irshe-me̩sh,

⁴² kpai Shaala-bin kpai Aija-lo̩n kpai Itla

⁴³ kpai Elo̩n kpai Timna, kpai E̩kro̩n

⁴⁴ kpai E̩lte̩ke kpai Gibe̩to̩n kpai Bealat

⁴⁵ kpai Jehud kpai Be̩ne-berak kpai Gat-rimo̩n,

⁴⁶ kpai Me̩-jarko̩n kpai Ra-kon; alo̩me̩-wñ la te̩ kado Jo̩pa.

⁴⁷ Oñ alo̩me̩ ane̩ abo Dan iche̩ka fʼuma o̩wo̩; oñ abo Dan mute̩gu kʼogu bo̩ Leshe̩m, abu ku ma bu ma gba ku ma la nʼalu ugbada gwo ma dajane̩, taku ma mʼu gba chʼe-ma, oñ ma dodo o̩mo̩, oñ ma rʼodu Leshe̩m da ko̩ Dan, alu kʼodu Dan o̩ra-ma de̩.

⁴⁸ E-le̩ chʼe̩wñ o̩gu abo o̩lo̩pu Dan alu kʼakwo̩ra unyi akwo̩ra unyi-ma de̩, owñ chʼewo ewo-i manyu ikpo unyi ikpo unyi-ma.

⁴⁹ Abu ku ma fʼane̩ le̩ kpe̩ ojane̩ ojane̩ alu kʼe̩wñ ogu ku ma aje̩ de̩, ki mud e̩wñ ogu-ma; tak abo Israe̩l mʼe̩wñ ogu du ñwu Jo̩shua, o̩ma Nun, alumeji-ma.

⁵⁰ Alu kʼo̩la Jihofa de̩ abe̩le̩ ma mʼewo kʼi bi ma du ñw u, owñ che Timnat-se̩ra kʼi dʼoj ane̩ uwo Ifraim; tak i dabi fʼewo le̩ ko̩, oñ i kwo gugu o̩mo̩.

⁵¹ E-le̩ chʼe̩wñ ogu e̩wñ ogu, e-kʼE̩leaza atama kpai Jo̩shua o̩ma Nun kpai abo ku ma dʼoji dufu ef amata o̩lo̩pu o̩lo̩pu abo Israe̩l, rʼanya Shailo, eju Jihofa alugbo̩na unyabo ujeju ku ma kpʼane̩ le̩ ñwu ma. Abe̩le̩ ma fʼane̩ le̩ kpe̩ ojane̩ ojane̩ kpa.