Eli Eko̩ DʼO̩jo̩ 99 - O̩TAKADA O̩LA O̩JO̩ 1970

Me̩ ki diba ñw O̩jo̩ kiafo̩ le̩

¹ Jihofa chʼonu; amone̩ ki gegbu-lu! Owñ gugu oji amiche̩rub; ane̩ ile̩ ki namiejo!

² Jihofa tabale efu Zayo̩n; i la dʼatate̩ ñw amone̩ chaka.

³ Ama ki gogbodʼodu-we̩ inaina kʼi abailo le̩! I afo̩!

⁴ Ukpahiu Onu kʼi afe̩do̩ oj ajo̩ ochochi eka, uwe̩ fʼu lonyane̩ ef o̩kpakpa; uwe̩ fʼajo̩ ochochi kpai o̩kpakpa che kpa efu Jeko̩b.

⁵ Hi Jihofa O̩jo̩-wa ne; me̩ dojikane̩ ugbo uke̩re̩no-wñ! I afo̩!

⁶ Mose̩s kpai Aro̩n ku ma jʼef amatama-wñ, kpai Samiue̩l kʼi dʼef abo ku ma kwadʼodu-wñ. Ama la kwado̩ Jihofa, owñ la dohi ñw ma.

⁷ I dʼef akpa kʼi dago waala le̩ ako̩la ñw ma; ma fʼo̩la ibenu-wñ de, kpai e̩wñ uhio̩me̩ kʼi du ñw ma.

⁸ Uwe̩ dohi ñw ma, O Jihofa, O̩jo̩-wa; uwe̩ chʼO̩jo̩-ma kʼi adʼo̩la tinyo̩, dagba e̩ chaka fʼache̩ e̩wñ ku ma che le̩ na.

⁹ Hi Jihofa O̩jo̩-wa ne, me̩ ki dojikane̩ ugbo uwo-wñ kiafo̩ le̩; todu Jihofa O̩jo̩-wa afo̩!