Aizaya 39 - O̩TAKADA O̩LA O̩JO̩ 1970

Alu ku ma jo̩ kpai Babilo̩n ma nyo̩ n

¹ Iko le̩ Me̩rodak-baladan, o̩ma-Baladan, onu Babilo̩n, kʼo̩takada manyʼe̩wñ ele kpuche̩ ru He̩ze̩kaya, todu i gbo̩ ka kʼi chʼo̩ga, kʼo̩ga-wñ la takpa.

² Oñ He̩ze̩kaya yo̩ ñw ma, i la dʼunyi e̩wñ akoko-wñ ña ma, tʼajifa-wñ, kpʼo̩jamalia kpʼe̩wñ ido̩ro̩ kpʼekpo ki nʼaja kpʼunyi e̩wñ ido̩na ogu-wñ chaka, owñ chʼe̩wñ du ki jʼef unyi e̩wñ akoko-wñ. I nʼe̩wñ du ki jʼunyi-wñ kpai ojane̩-wñ ku He̩re̩kaya ma ko ña ma n.

³ Tak Aizaya akache̩ le̩, wʼugbo He̩ze̩kaya onu kakini, Abʼabo-i ka-i? Ugbo ma kwo wʼugbo-we̩? He̩ze̩kaya kakini, Ma kwo ane̩ o̩najiji wʼugbo mi, owñ che Babilo̩n.

⁴ Tak i kakini, E̩wñ ma li ef unyi-we̩? Oñ He̩ze̩kaya dohi kakini, Ma fʼe̩wñ du ki jʼunyi-mi li; i nʼe̩wñ du ef unyi e̩wñ akoko-mi kʼomi ma du ña ma n.

⁵ Tak Aizaya ka ñw He̩ze̩kaya kakini, Gbʼo̩la ki Jihofa ki nʼe̩wñ du ka kakini:

⁶ Go, iko awa, e̩gba ku ma añʼe̩wñ du ki jʼef unyi-we̩, kpai e̩wñ kʼamata-we̩ ko jʼef o̩pata gbogbo wʼeñini kide̩ nyi Babilo̩n; e̩wñ du abo̩ n, Jihofa ka-i.

⁷ Oñ ef amo̩ma-we̩ kʼama akwef uta-we̩ dufu, e-kʼuwe̩ abi, ma ako ge̩; tak ama amud amonoji ef unyi onu Babilo̩n.

⁸ Taku He̩ze̩kaya ka ñw Aizaya kakini, O̩la Jihofa kʼe̩ ka le̩ chenyo̩. I ño̩ ka kakini, Todu ure̩do̩ kpʼochochi ade̩ iko e-mi.