Abụ Ọma 83 - Bible Nso

Abù, bú Abù Ọma Esaf.

¹ Chineke, edebela ọnu-Gi du: Ab͕ala nkiti, anọ-kwa-la jū, Chineke.

² N'ihi na, le, ndi-iro-Gi nāb͕a aghara: Ọzọ, ndi nākpọ Gi asì ebuliwo isi-ha.

³ Ọ bu imegide ndi-Gi ka ha nāb͕a ìzù aghughọ, Ha nāb͕a ìzù imegide ndi-Gi edebeworo na nzuzo.

⁴ Ha asiwo, Jenu, ka ayi zopu ha n'ibu mbe; Agaghi-echeta kwa aha Israel ọzọ.

⁵ N'ihi na ha ewerewo otù obi b͕arita ìzù; Ọ bu imegide Gi ka ha nāb͕a ndu:

⁶ Ulo-ikwū nile nke Edom na ndi Ishmael; Moab na ndi Haga;

⁷ Gebal, na Amon, na Amalek; Filistia, ya na ndi bi na Taia:

⁸ Asiria araparawo kwa n'aru ha; Ha aghọworo umu Lot ogwe aka. Selah

⁹ Me ha otú I mere Midian; Otú I mere Sisera, otú I mere Jebin nime miri-iyi Kaishon:

¹⁰ Ekpochapuru ha n'En-doa; Ha ghọro ǹsí eji mezi ala.

¹¹ Me ndi-ha amara aha-ha ka ha di ka Oreb, na dika Zeeb; Me kwa ka ndi-isi-ha nile di ka Zeba na dika Zalmuna:

¹² Ndi siri, Ka ayi nwetara onwe-ayi Ebe-obibi nile nke Chineke.

¹³ Chinekem, me ka ha di ka ihe nke ifufe nēfeghari buruburu, Dika ahihia n'iru ifufe.

¹⁴ Dika ọku nke nēré oke ọhia, Na dika ire-ọku nke nēme ka ugwu nile nwuru ọku;

¹⁵ Otú a were oké ifufe-Gi chua ha, Were kwa oké ikuku-Gi me ka ha ma jijiji.

¹⁶ Me ka nlelì che ha iru; Ka ha we chọ aha-Gi, Jehova.

¹⁷ Ka ihere me ha, ka ha ma kwa jijiji rue mb͕e ebighi-ebi; E, ka ha nwe iru-ihere, la n'iyì:

¹⁸ Ka ha we mara na Gi onwe-gi, Onye aha-Gi bu Jehova, nání Gi, Bu Onye kachasi ihe nile elu n'elu uwa nile.