Abụ Ọma 121 - Bible Nso

Abú Nrigo.

¹ M'gēweli anyam abua le ugwu nile: Òle ebe iye-akam gēsi bia?

² Iye-akam nēsi n'aka Jehova bia, Onye meworo elu-igwe na uwa.

³ Ya ekwela ka ewezuga ukwu-gi n'ọnọdu-ya: Onye nēdebe gi, Ya atula òrù-ura.

⁴ Le, Ọ dighi-atu òrù-ura, Ọ dighi-araru kwa ura, Bú Onye nēdebe Israel.

⁵ Jehova bu Onye nēdebe gi: Jehova bu ǹdò-gi n'aka-nri-gi.

⁶ Anyanwu agaghi-etib͕u gi n'ehihie, Ọnwa agaghi-etib͕u kwa gi n'abali.

⁷ Jehova gēdebe gi ka ihe ọjọ ọ bula ghara idakwasi gi; Ọ gēdebe nkpuru-obi-gi.

⁸ Jehova gēdebe ọpupu-gi na nbata-gi, Site n'ub͕u a we rue mb͕e ebighi-ebi.