Psalms 93 - Keley-i Bible (Antipolo Ifugao)

¹ Hi Apu Dios hu patul. Kamedeyyaw ni peteg niya et-eteng hu kabaelan tu. Inhammad tun ingkapya hu puyek di nengiktuan tu.

² Ya muka pampatuli e Apu Dios ey neihammad dedangngu eman ni laputu. Ey anin ni hi-gam et wada ka dedan ni ingganah.

³ Naka-let hu dalluyun di baybay e heni bungug ni kidul,

⁴ nem endin hekey hu tu kei-ingngehan di et-eteng ni kabaelan mu e Apu Dios di kabunyan.

⁵ Apu Dios, yadda tugun mu ey eleg ida melullumman. Ey anin ya kakinayyaggud ni Tempol mu et mannananeng alin ingganah.