Psalms 137 - Keley-i Bible (Antipolo Ifugao)

¹ Yan eman ni wada kamid gilig idan wangwang di Babilon ey yimmudung kami et mannannangngih kami, tep ninemnem mi hu bebley mid Zion.

² Nan-ihabley midda hu gitalah middad keyew ni willow,

³ tep eleg mi pinhed ni ia-appehan ida hu buhul min nampap ni hi-gami, anin ni dakemi kapillitan man-a-appeh. Dakemi kaheneghegnudan kanday “Ia-appehi dakemi meippanggep ni bebley yud Zion.”

⁴ Nem hipa inna-nu min mengia-appeh ni penaydayaw min Apu Dios eyad bebley idan edum ni tutu-u?

⁵ Anin ew katteg ni meendi hu laing kun manggitalah, hedin liwwanen ku hu Jerusalem e Zion e bebley mi.

⁶ Niya anin ni meendi hu laing kun man-a-appeh, hedin liwwanen ku hu Jerusalem niya beken law ni ya bebley mid Jerusalem hu kamengippeamleng ni hi-gak.

⁷ Apu Dios, entan anhan tu liwwan hu impahding idan helag Edom eman ni nanggepan dan Jerusalem et mantetekkuk ida e kanday “Pakabbahbah tayu eya bebley!”

⁸ Hi-gayuddan tutu-ud Babilon ey mekabbahbah kayulli. Man-am-amleng ali hu tuun mengibleh ni impahding yun hi-gami.

⁹ Em, man-am-amleng ali hu memilliw ni u-ungnga yu et itangnging tud batu.