Psalms 124 - Keley-i Bible (Antipolo Ifugao)

Ya a-appeh nan David ni pantetyedan di Jerusalem

^1-3 Mahapul ni ebbuluten tayun helag Israel e gullat ni eleg daitsu baddangan Apu Dios eman ni nengubatan daitsuddan buhul tayu, et nanna-ud ni pintey daitsun emin. Tep nemahhig hu bunget dan hi-gatsu,

^4-5 et heni daitsu in-anud ni nedakkel ni danum di wangwang et malsing itsu.

⁶ Et humman hu, pansalamat itsun Apu Dios, tep eleg tu iebulut ni petteyen daitsun buhul tayu.

⁷ Heni itsu sisit ni naknad lingen, nem bimmesik itsu tep nebahbah hu lingen idan buhul tayu.

⁸ Hi Apu Dios e nanletun puyek niya kabunyan hu kamemaddang ni hi-gatsu.