Psalms 113 - Keley-i Bible (Antipolo Ifugao)

¹ Daydayaw tayu hi Apu Dios! Em, hi-gayuddan bega-en tu ey daydayaw yu hu ngadan tu.

² Kayyaggud hedin medaydayaw hu ngadan tun ingganah.

³ Hi-gayuddan katuutuud kebebbebley, meippalpud kasimmilin aggew ingganah di tuka kelinnugi ey daydayaw yu hu ngadan tu.

⁴ Tep hi-gatu hu Ap-Apu di kebebbebley. Ya dayaw tu ey heni lini-bahan tu hu kabunyan.

⁵ Endin hekey hu an mei-ingngeh ni hi-gatu e Ap-Apu e Dios tayu. Immen di tuka pan-ap-apuid kabunyan,

⁶ nem kamanyu-ung et tuka uh-uhdungi hu kabunyan niya puyek.

⁷ Tuka baddangidda hu nangkewetwet ma-lat eleg ida mannananeng ni mewetwet.

⁸ Tudda kaihha-ad di eta-gey ni saad niya tudda kapambalin ni ap-apuddan tutu-u tu.

⁹ Tuka weddaa hu u-ungngan nebasin bii ma-lat man-an-anlad baley da. Daydayaw tayu hi Apu Dios!