Psalm 8 - Nan Hapit Apu Dios

Psalm 8 Hay Anabaktun Apu Dios Kantan David

¹ Apu Dios an na'abbaktun Ap'apu, hanan amaphodmu ya ma"id ha nipaddunganah nadan wahtun luta ya ta'on on hanadan wah ad lagud.

² Ta ta'on on nadan goggolang ya u"unga on tinudduwam dida an mundayaw i he''a an gapuh anabaktum. Ta gapuh nan ongal an abalinam ya abakom nadan binuhulmu. Ya padinongom nadan mungngohen he"a.

³ Ya wa'et intangad'uh ad lagud ta tinigo' nadan limmum an bulan ya bittuwon hinadan awadanda

⁴ ya umalih nomnom'u an na'adda"ul amin tatagu mu tanganu on e da'mi pa'annomnomon ya e da'mi ipappapto' i he"a.

⁵ Hay tagu ya limmum an nada'da''ul mu nadan anghel. Mu numbalinon da'mi hi nabakbaktu mu nadan udum an limmum.

⁶ Te da'miy pinto'muh mun'ap'apu i dadiyen namin an limmum

⁷ an umat hi kalnero ya baka ya nadan udum ya ta'on on hanadan atap an animal.

⁸ Ya atbohdi nadan hamuti ya nadan ekan ya nadan udum an wah nan baybay.

⁹ Ot immannung Apu Dios an he''a nan na'abbaktun Dios an dayawonmih tun luta.