Psalm 70 - Nan Hapit Apu Dios

Psalm 70 Hay Dasal Di Mumpaboddang I Apu Dios Intudo' David

¹ Hanat boddangana' bahan Apu Dios hi ad uwani ta mihwanga'.

² Ya hanat ulawom hanadan amod on mamate i ha"on ta ma"id ha pot'ondah atonda ta ma'abakda ta mibabainda.

³ Ya hanat athidi boy ma'at hinadan manildilah i ha"on ta mibabainda pibo.

⁴ Mu an namin amin mundayaw i he"a ya hanat mipa'amlong ami. Ya an namin amin inihwangmu ya hanat inaynayunmin alyon di, Madayaw hi Apu Dios.

⁵ Ot ta'on on athitun ahohomo'a' te ma'ma"idana' ya kimmapuy mo teey adol'u mu hanat adiya' bahan inganuy i he"a Apu Dios. Te he"a ya abuh han mabalin an bumoddang ya mangihwang i ha"on. Ot hanat boddangana' bahan.