Psalm 6 - Nan Hapit Apu Dios

Psalm 6 Kantan David

¹ Daan mo bahan Apu Dios ta adiya' ihingal ya adiya' dusaon hinan bumungotam.

² Ta ona' ot on hom'on te kimmapuya' tayya ya hanakitanay adol'u.

³ Ya nunhigla tayyan maligatana'. Ot hanat adi bahan madne ya ipaphoda'.

⁴ Gapuh nan munnananong an pamhodmu ya daan mo bahan ta paphodona'.

⁵ Te onha mateya' ot undan wa mo ha alyon hi dayawon da'a onu nomnomon da'a.

⁶ Umman tayya kimmapuya' te nunhigla tun holholtapo'. Ta ahodohodom ya pamaag tayya on mamahnong tudan pungan ya uloh hi luwa'.

⁷ Ta limmatunnu' di mata' an lumuwaluwa te nunhiglay pangalin tudan binuhul'un ha''on.

⁸ Ot da'yun tatagun adi maphod di pangatna ya hanat bumtik ayu te umman dingngol mon Apu Dios di dasal'u.

⁹ Ot ma"id ha bahhonan hom'ona' ta boddangana'.

¹⁰ Ta an namin nadan mi'buhul i ha"on ya pamaag ya bumtikda te nunhigla bo ayay eda nadismayaan ya bumainan.