Psalm 54 - Nan Hapit Apu Dios

Psalm 54 Hay Dasal David Ta Wan Mibaliw Hinadan Mi'buhul I Hiya.

¹ Innila' Apu Dios an ongal di abalinam ot daan mo bahan ta ihwanga' i he"a.

² Ya daan mo bahan ta donglom tun dasal'u.

³ Te den mangalida nadan mun'abubungot an tatagun naminhod an mamaten ha"on an dida nadan adi mangibilang i he"an Dios.

⁴ Mu he''a Apu Dios di nahamad hi bumoddang ya mangibaliw i ha''on.

⁵ Ot iyukod'un he''a nadan mi'buhul i ha''on ta diday a'atan hanadan adi maphod an ninomnomdan aton. Ot gapu ta he"an Dios han mabalin an pundinolan ya he"ay pangidinola' ta he"ay ukod an manadag i dida.

⁶ Ya munhanaa' i he"a te maphod di a'atmu. Ot mun'am'amlonga' an mangidawat hinadan i'nong'un he''a.

⁷ Te binoddangana' hinadan punligata' ya tinigo' di na'abakan nadan mi'buhul i ha"on.